Isaia 22:4 - Iaai Bible 1901 (New Caledonia)

⁴ Anyin a wale, haingök, Hwio thö gak, oge me he ka tenge hwege; ca huliwa bi he ka otubweli nya, can hna okongoâ hluiny ik hnyei.

Isaia 22:4 ပူးပေါင်းရင်းမြစ်များ

Esetera 4:1

KE a wâ but Modikai ta je ûnyi hia thithö adre ânyâ, haba Modikai ame kia anyin je ûkhaû, me khavâ ec mano ae gan nân, me botru dröu, me he hnyi wanben taun, me fuc hwege goranyai me tenge:

Salamo 77:2

Oge me elâm Khong hnyi bonginy anyik vec: Oge me inâ hnyamok hnyi lit, me ca menâ bi; E höcö hanuk he ka kap ûnyi hnân otubwelâ.

Isaia 15:3

Hnyi dedra je gethen adre me weikâ ecmano ae gan nân: ödra hia adre me kuku tenge, me tenge gan hmâ hon ban umödra je uma, ke hnyi je hnaudrâ.

Isaia 33:7

Wâ bi, ame kuku eû tavat ae hwege gadra; kʼ ame tenge hlöuhlöu ta je ûthumetuiny ûsoköu.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 31:15

Walang hna ha hnö Iehova, ka habe, Adre me long hnyi Rama, hwa tenge thungaû, me tenge hwege, Rakela ame tenge ge lakon; kʼ ame ca tubet bala bi ge lakon, anyin adre aû but.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Jeremia 8:18

E na khanönya ju he ka otubweli nya hnyi hlöuhlöu! e sënyin dut hnyekuk eû hnyik.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Jeremia 9:18

mʼ adre me ie tenge thungaû gata, me me hingölö je deköiö hnyi je emaköta, me khukhula köiö ûnyi hnyi je bademaköta.

Je tenge anyi Jeremi 2:11

A didrut li emakök anyin tenge, ame bwebwet hnyekuk, Ame hingölö akik hnyikânâi, can hnödra hna okongoâ hlu nokon lakeik; Anyin ame ta mok hnyi getheniny taun je wanakat me je mendreng adre i.

Ezekiela 21:11

Ke adre ham e he ka khet me me hom hnen hnyam: ame so hwan hele vat, eke, adre khet e me ham ka hnyi hnyamen at ûhlingö.

Ezekiela 27:31

ke adre me he ka ohadreûâ je bödra gam, me weikâ mano ae gan nân, me tenge me hnyok as vec gam, me tenge hwege.

Mika 1:8

Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Mataio 2:18

Adre me long hnyi Rama hwan, Hwatenge me tenge thungaû, Rakela ame tenge ge lakon; Kʼ ame ca tubet bi, anyin ae hiʼ ödrin dut.

Mataio 26:75

Me haba Peteru ame ûnykûme hofuc eji ho Iesu ame ha, ka habe, U me he ka okun ivinö nya ke tiga ca kokok khoto. Me e ame didrut me tenge hlöuhlöu.

Luka 1:2

helâ me hnödra hna ham köta, waleji ate me wâ, kʼ otin e bi athnyabainy hofuc ûnyi hnyi can,

Luka 19:41

E hakekeny jut, kʼ ame wâ taun, me e ame tenge gan,