Isaia 22:25 - Iaai Bible 1901 (New Caledonia)

²⁵ Ke haingö Iehova tuhan sabaoth, ka habe, Hnyi bong eling ame he ka kong ut fao adre ohmâ hnyi dok ae hwege; ke adre me ho ka sö degecâ me me kolu but, kʼ adre me he ka subâ degecâ hok a honen; anyin ame ha Iehova.

Isaia 22:25 ပူးပေါင်းရင်းမြစ်များ

Salamo 146:3

Ca geju Öbun ka ta je than, Ke nokon at bi, wale ae ba hna ûhadruo unyidrin.

Salamo 52:5

Kʼ ame he Khong ka hagutâ degeci u ke ne o but nyiele balua, E ame he ka kot u, me oc degeci u ûnyi hnyi umâm uma mano, Me uk u ûnyi hnyi hnyeiny tavat ae möt [Sela.

Isaia 22:23

Ke oge me he ka ohmâ e helâ me fao hnyi dok ae hwege; ke e ame he ka hnân theron ae hmanenang hnyi lap anyin kamen.

Isaia 22:24

Ke adre me he ka uhno hon e hmanenanginy hia lap anyin kamen, wale ta je mâtrân, me ta je wan, me ta je kaia hia ae ûhnyûkong, hwân ge je utkaia ke ne o but ta je kaia hia ae gan.

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 48:15

Inya, inya at ame ha; eke, oge hia but hawâ e: oge hia but hom e, ke e ame bi sot hnyi deny bi gethen.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Ezekiela 5:13

Ame he ka hwâdâ helâe anyik hmonyin, ke oge me heʼ ka osekunâ hudra anyik wathethot, me inye menâ thö: ke ame he ka khanʼ ödra a inya Iehova oge me fuc hnyi anyik ciâ, iny ka hia but ohwâdâ anyik wathethot hudra.

Ezekiela 5:15

Ke e ame he ka hnân haikongoâ me taben ûhiö me hnân nâ me kuko ka je hnyei igigili u, iny ka he ka bi hwaban köu, hnyi hmonyin me wathethot, me hna û hwegiâ: oge hia but ha, inya Iehova:

Ezekiela 5:17

ke oge me he ka kunâ köbun hmiâ me je meno ae kong, ke adre me he ka ohia lakom; kʼ ame he mok ae cap me dra ka vhenu u; ke oge me he ka oâ köu hele vat: Inya Iehova, oge hia but ha e.

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.