Isaia 22:23 - Iaai Bible 1901 (New Caledonia)

²³ Ke oge me he ka ohmâ e helâ me fao hnyi dok ae hwege; ke e ame he ka hnân theron ae hmanenang hnyi lap anyin kamen.

Isaia 22:23 ပူးပေါင်းရင်းမြစ်များ

Ezera 9:8

Ke walang ang e okhulit thibi ûen ae hu gahmun betenge ûnyi ga Iehova Khonguhmun, he ka bi kolon kohmun möhmun e möt, me ham kohmun ke fao hnyi anyin dok ae kap, me me he Khonguhmun ka omelamâ je emaköhmun, me ham kohmun ûhomeli ae ûhnyûkong kohmun a je bâ.

Esetera 10:3

Anyin a haba Modikai at Juda me ûtang-köu me Asueru than, ke at ae gan hmâ unyin at Juda, ke haba je liamekeiny më ae se hia me adre me kap soâ; kʼ adre me elâm soiny iny hnyei, me ha hnahicâ je mâtrâniny hia thithö.

Esetera 4:14

Anyin a u je ne laba hnyibû hnyi ûen ang, me ame he ka hu menâ me möt ka at Juda ûnyi hnyi ke dok bi, ke haba u, me lap anyin kâmâm, me, adre me he ka ohia hia: ke khanö ia, hawa, ame ne o but köu dokhu hnân hobi kâu ûen helâng?

Jobu 36:7

E ame ca ikhâlâ li emakan ge at ae wisa: Ke haba je than hon theron Me e ame otilʼ ödra hmâ bala, mʼ adre me gorany dö.

At Khet 12:11

Haba je hofuc hwan at ae metâ, me helâ me ûnyi hnân dö bolok, ke haba ta je hofuc hwan je homakan ta je ûkhacaköu, me helâ me je fao adre me ti ohmâ, a ham ge at a khaca a at tuö mamoe.

Isaia 22:24

Ke adre me he ka uhno hon e hmanenanginy hia lap anyin kamen, wale ta je mâtrân, me ta je wan, me ta je kaia hia ae ûhnyûkong, hwân ge je utkaia ke ne o but ta je kaia hia ae gan.

Isaia 22:25

Ke haingö Iehova tuhan sabaoth, ka habe, Hnyi bong eling ame he ka kong ut fao adre ohmâ hnyi dok ae hwege; ke adre me ho ka sö degecâ me me kolu but, kʼ adre me he ka subâ degecâ hok a honen; anyin ame ha Iehova.

Zakaria 10:4

Ame he ka o ûnyi gan veto hnân kopiny, ke ûnyi gan minya matalafi, me cafanainy vat, ûnyi gan ame he tavat musi hia.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.