Isaia 22:22 - Iaai Bible 1901 (New Caledonia)

²² Ke oge me he ka ip kiiny lap anyi Davita hon bajebenyin; ke e ame he ka khong ke ba at ame he ka hlöng, ke e ame he ka hlöng ke ba bi at ame he ka khong.

Isaia 22:22 ပူးပေါင်းရင်းမြစ်များ

Jobu 12:14

Wâ bi, e ame hagutâ, ke ca khana ke at he ka op hmetu; E ame thelöng at, ke ca khana ke at he ka khong hmetu.

Jobu 31:36

Me oge me he bi nya ka vadren e hon bajebenyik; Me obicâ nya kâu, e me anyik korona.

Isaia 7:13

Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Isaia 7:2

Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong: