Isaia 22:1 - Iaai Bible 1901 (New Caledonia)

¹ HOK honen hnyigöulen bucen adre me omanenâ hnyin. Ieû gam walang ang a u je tha ölö ka hnyi hon je ban uma me je âtâm hia?

Isaia 22:1 ပူးပေါင်းရင်းမြစ်များ

Genese 21:17

Ke haba Khong ame löng hwan da; me angela anyin Khong ame hongot hnyi drany kö Hagara, ka habe, Hagara lö, ieû gam? ca ot bi, anyin a löng ut Khong hwan da hnyi hnen hna mokut.

II. Samuela 14:5

Ke haingen than ka momo, ka habe, Ieû gam? Me haingen, ka habe, Iny safac, ke a mokcu öiök.

II. Je Than 6:28

Ke haingen than kâu, ka habe, Ieû gam bi? Ke haba momo ame thu, ka habe, Haba momo ang ame ha könya, ka habe, Hö jem nokom da kʼ otin e he ka an hnyi bong ang, me otin e he nyi ka an nokuk.

Salamo 114:5

Köiö lö, ieû can gam, me u me kec ut? Me u Joridano, a u je hmetu ju?

Salamo 125:2

Ame igigili Jerusalema hnen ta je bucen, Me helâe ame igigilo lakeiny hpö Iehova, Hwân walang ang ke ne o but nyiele balua.

Ta je Vejec 29:18

E ka ba hna omanenâ, me ame he tavat ka hota degecâ hokhnyok: Ke hnahic hnen at ame tuö hnanyibu.

Isaia 13:1

HOK honen Babulona, waleji a wâ Isaia nöku Amosa.

Isaia 15:3

Hnyi dedra je gethen adre me weikâ ecmano ae gan nân: ödra hia adre me kuku tenge, me tenge gan hmâ hon ban umödra je uma, ke hnyi je hnaudrâ.

Isaia 22:5

Anyin a bonginy hmak eling, me iututi, me monumonu ûnyi ge Than, Iehova tuhan sabaoth, hnyi hnyigöulen bucen hna omanenâ; adre me kia je hak veto, me tenge ka je bucen.

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Jeremia 21:13

Wâ bi, ûcûk u, at ame laba hnyi hnyigöulen kicin dok ae tha hon, haingö Iehova, öbun tavat, öbun e ha, ka habe, Ie at ame he ka utut köta? ke ie at ame he ka dit ka hnyi je hnyabata?

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 32:32

can ta je hulo hia anyin lakon Isaraela, me lakon Juda, waleji adre me mâdrâ he ka ohmönyini nya, ödra, me latuhödra, me anyidra je taben, me anyidra tavat bihut, me anyidra je perofeta, me at Juda, me aten Jerusalema.

Jeremia 48:38

E hu hwan tenge hon je ban uma hia hnyi Moaba, me hnyi je getheniny: anyin oge hia but thö hmouca Moaba helâ me kaia a ca hnân senyinâ, haingö Iehova.

Joela 3:12

E so ame mweimwei je hnyei, me o ka hnyi hnyigöulen bucen anyi Jehosafata: anyin oge me he ka laba eling he ka owisa je hnyei igigilo.

Joela 3:14

Ödra se, ödra se hia hnyi hnyigöulen bucen hna owisa! anyin ae hakekeny jut bong bongu Iehova hnyi hnyigöulen bucen hna owisa.

Mika 3:6

Anyin a wale, ame he ka lit köbun, me me ba hna omanenâ köbun bi; kʼ ame he ka menekholom köbun, mʼ öbun e ca he bi ka bi khong; ke ame he ka dit seûno hon je perofeta, kʼ ame he ka khömet bong hudra.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Mataio 10:27

Haba ûnyi oge me ha köbun hnyi menekholom, ha thʼ öbun hnyi melam: ke haba hnobun hna long ge je hnyikönyöbun, khetâ thö hon ban je uma.

Roma 3:2

E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong.

Deuteronomi 22:8

U je ne up uma a teb ûnyi, me u me he ka bi haginy ethö hnyi ban umâm uma igigilö, wâ e nye takoû umâm uma ge dra, ame ne kolu at ûheny thö.

Owisa 18:23

Ke ödrin e hongot ka laku Dana. Ke ödrin e hwio me ha kö Mika, ka habe, Ieû gam u me tha he me bunyen helâe?

I. Samuela 11:5

Ke wâ bi, ame o but Saulo e ame alen je kau ûheny hnyi hnyei; ke Saulo ame ha, ka habe, Ieû ame tenge gan tavat; Me ödrin e thumeto ge hofuc hwan at Jabese.

I. Samuela 3:1

KE haba Samuela a da ame athnyabai Iehova hnyi hnyimakö Eli. Ke ca khenen hofuc ho Iehova hnyi je ûen eling; ke ba hna omanenâ ame o.