Isaia 21:9 - Iaai Bible 1901 (New Caledonia)

⁹ ke wâ bi, waleû deö at ame o, tavat tabö hors a ödra ûsa lo. Ke e ame thu me ha, ka habe, A ta but, a ta but Babulona; ke adre hia but sa hnyikânâi je idolainy je khongon.

Isaia 21:9 ပူးပေါင်းရင်းမြစ်များ

Isaia 13:19

Ke ame he Babulona, hmanenanginy je dokhu, me soiny mec anyin at Kaledaia, ka helâ me Sodoma me Gomora hnyi ûen Khong ame hagutʼ ödru.

Isaia 14:4

me u me he ka hai ûhöûcû eang ge than Babulona, u me ka ha, ka habe, Ekölö ge hna bi obiny at ûsedö! ke adre me bi obiny taun gol!

Isaia 2:18

Ke ame he ka hia hia but ta je idola.

Isaia 21:7

ke e ka wâ deö vat adre me tabö hors, a ûsa lo, me tavat tabö asina, me tavat tabö kamela, me hamen he ka long wia me ti wâ wia.

Isaia 47:5

Hlu nokon at Kaledaia lö, laba hnyibû ju, ke he thö ka hnyi dok ae lit: anyin adre me ca he hmetu ka hawo u momo thaniny je dokhu.

Isaia 47:9

ke so bi ame he ka o köu li ûnyi ang helâ me thuthubademak hnyi bong a khaca, wale ba nokon, me ba âiân: ame he ka ti o köu, eja ke ne u je ne osehia bala ânyâm je bihihwakecin, me osehia bi khong.

Isaia 48:14

Ûkhacaköu thʼ öbun hia thithö me long; ie at gadra ame haimemenâ ta je ûnyi e? Iehova ame betenge gan, e ame he ka ânyâ weny ka Babulona, ke ame he benyin ka e hon at Kaledaia.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Jeremia 50:38

E hu bongon ihmeiny hon köien je köihnam, kʼ ame he ka hwahwacit: anyin a e hnyeiny ta je hnatheat, kʼ adre me ti hobâ je idola.

Jeremia 50:42

Adre me hok cafana me ö; ödra tavat beovecâ, ke ca tren ibetengiö; ame mea ifucidra helâ me köiö, ke adre me tabö hors; adre me ve tot metâ, helâ me ûtilen at hnyi vat, he ka vat möu hlu nokon Babulona.

Jeremia 50:9

Anyin a wâ bi oge me he ka bwebwet, me oâ ka Babulona ta je hnyei ae gan ke se hia ûheny hnyi hwadro: ke adre me he ka tot metâ kâu; adre me he ka hom e ûheny e; ame he anyidra je fana ka helâ me je fana anyin at ae hwege ae khenen vat; e ba at gadra ame he ka hmetu baû.

Jeremia 51:27

Otilâ thö boûdila hnyi hnyei, tûâ thö trutru hnyi je hnyei, penapena thö je hnyei kâu, hawâ ûkhaca-köuâ thö kâu ta je dökhuiny Ararata, me Mini, me Asekenaza: otilâ thö ke taben vat kâu; oâ thö je hors helâ me je wahamon ae ûjejong.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Jeremia 51:47

Anyin a wale, wâ bi, ame he ka o je bong ke oge me he ka bi hwaban ka je hnatheat anyin Babulona, ke ame he ka hmehma hnyeiny hia; ke ame he ka ta je hna kot hia hnyi wanben e.

Jeremia 51:52

Anyin a wale, wâ bi, ame he ka o je bong, haingö Iehova, ke oge me he ka bi hwaban ka anyin je hnatheat; ke ame he tavat ae aat ka vec hnyi hnyeiny hia.

Jeremia 51:64

ke u me he ka ha, ka habe, Ame he Babulona ka dit helâe, ke ame ca he bi ka höhöi can okongon oge me he ka oâ kâu: ke adre me he ka sënyin. A um dö je hofuc ho Jeremia.

Jeremia 51:8

Ame ie ta but Babulona me aû but: kuku tenge thö gan; hok basama thö hnân eny anyin vec, kʼ ame ne he la ka mot.

Hna Omanenâ 14:8

Ke ame he hoton e ke angela, at a loiny, kʼ ame ha, ka habe, A ū but, A ū but Babulona ae gan, waleji at ame kunâ ta je hnyei hia he ka ijem wainainy tang hmonyin hnyi bi ûnyi monu a e.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.

Hna Omanenâ 18:21

Ke haba ke angela ae hwege ame hom veto helâke me veto adre omomono ae gan me khûâ ka hnyi köiö, me ha, ka habe, Helâe minya adre me he ka hagutâ Babulona taun ae gan, ge hna khûâ ae hwege, ke adre me ca he hmetu ka wâ e bala.