Isaia 21:4 - Iaai Bible 1901 (New Caledonia)

⁴ Ame momokon hnyekuk, oge me öbubuny ge ot ae gan hmâ: haba hauhaotreng oge me wek, me adre hia but wia ka öbubuny könya.

Isaia 21:4 ပူးပေါင်းရင်းမြစ်များ

I. Je Than 1:49

Me ame ot tavat hia a tha ödrin me Adonia, me todrö, me vese but.

Esetera 5:12

Haingö Hamana minya, ka habe, Haba Esetera momo than ame ca tha hawâ ke at me than ka hnyi bijeû wale ame ânyâ, ke hake inya thibi; ke e ame he ka hawo nya nyi tha inya me than.

Salamo 55:5

Ame o but könya ot me öbubuny, Kʼ ame hûlûlûö nya hnen gâon.

Salamo 55:6

Ke haingök, ka habe, E na hu ju gak li labenyik helâ me biny! Me oge me he ka gâ thö, me menâ but.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 51:39

Ödra ka kahwa me oge me he ka bi jeu hobi kodra, me omonu ödra ge grâg, mʼ adre me he ka hobâ, me mokut nyiele balua, me ca hmak hmetu, haingö Iehova.

Jeremia 51:57

Ke oge me he ka omono je tuhan me tavat unyin ae metâ, me je gavenainy me anyin je taben, me tavat unyin ae hwege; ke adre me he ka mokut nyiele balua, me ca hmak hmetu bi, haingen Than, Iehova tuhan sabaoth ien.

Daniela 5:1

HABA Belesaza than ame ânyâ bijeû ae gan ka anyin je taben a wan thauzan, ke e ame ic waina hnyi hnyimakan thauzan.

Daniela 5:30

Ke adre me hlingö Belesaza than Kaledaia hnyi hnyinghet eling.

Daniela 5:5

Haba hnyi awa eling ame o but je banyen at, me sihnalimen cico taben lamepa hnyi hna up uma hnyi uma umen than: ke a wâ but than hanen hnyam at a sihnalimen.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Deuteronomi 28:67

hnyi hnyomakatu u me he ka ha, ka habe, E na sahac ut! ke e sahac me u me he ka ha, ka habe, E na hnyomakatu but! anyin ae ot hnyekom, ke can ta je ûnyi u me wâ ge li emakâm.

Deuteronomi 32:11

Helâ me man aeto ame ânyâwia hâuen, Ke ame gâ igigilö hon lakon, Me helâe e ame ulolo li labenyin, Me kaptilʼ ödrin hon li labenyin: