Isaia 21:3 - Iaai Bible 1901 (New Caledonia)

³ Anyin a wale a unöngötö li fetrem ge vec; ame hum nya hnen vec helâ me momo ame vec hnyekon ame he ka hnokoâ: inya oge me vec me me ca khanö nya long bi; inya oge me öbubuny me me ca khanö nya bwela bi.

Isaia 21:3 ပူးပေါင်းရင်းမြစ်များ

Salamo 48:6

Ame khöû ödra ju eling ge öbubuny; Me vec, helâ me momo ame vec hnyin.

Isaia 13:8

adre me be ka gâ udra; kʼ ame he ka o kodra vec me hlöuhlöu; adre me he ka hmak helâ me momo ame vec hnyekon: adre me he ka ûlâiâköuâ; helâ me bâhlân meic hnyi ta je hnyimakodra.

Isaia 15:5

Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

Isaia 16:11

Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres.

Isaia 16:9

Anyin a wale oge me he ka tenge helâ me ûtengien Jazera can vine hnyi Sibema: Hesebona me Eleala lö, oge me he ka hû u ge je deköiök: anyin ame o but hwan vat hon ânyâm je waniny hnyeun me ânyâm menu.

Isaia 26:17

Haba momo ame he ka o erkin, me ame vec ke ame kuku ge vec; helâe gahmun Iehova lö, hnyi hnyimâkâm.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 48:41

Adre hûgûnâ Kerioth, ke ame hom uthmâhmâ je hnabâ, ke hnyi bong eling ame he hnyekon tavat hwege hnyi Moaba ka helâ me hnyekon momo ame he ka hnokoâ.

Jeremia 49:22

Wâ bi e ame he ka ölö me gâ helâ me aeto, me lau li labenyin ka Bozera: ke hnyi bong eling ame he je hnyekon je tavat ae hwege hnyi Edoma ka helâ me hnyekon momo ame he ka hnokoâ.

Jeremia 50:43

A löng ut than Babulona ge ûlungidra, me ame sënyin li hnyamen; ame khaû ju e hnen hlöuhlöu, me vec helâ me momo ame vec hnyekon.

Jeremia 6:24

Ate hia but long ûthumetu gadra; e sënyin dut ta je hnyamöta: ame hom tilʼ öta hnen hlöuhlöu me vec, helâ me momo ame he ka hnokoâ.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

Ioane 16:21

E ka vec dö hnyekon momo a erkin, me e ame hlöuhlöu anyin a o but ûen: ke e ka o but wanakat me e ame ca ûnykûme hmetu anyin vec, anyin ame senyin a ga hnokoâ ke at ka hnyi hmeledrany.

Deuteronomi 28:67

hnyi hnyomakatu u me he ka ha, ka habe, E na sahac ut! ke e sahac me u me he ka ha, ka habe, E na hnyomakatu but! anyin ae ot hnyekom, ke can ta je ûnyi u me wâ ge li emakâm.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.