Isaia 21:2 - Iaai Bible 1901 (New Caledonia)

² Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 21:2 ပူးပေါင်းရင်းမြစ်များ

Genese 10:22

Haba laku Sema; Elama, me Asura, me Afasada, me Luda, me Arama.

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

Salamo 119:158

Oge me wâ but tavat ûalecuo, me oge me hmak dö; Anyin adre me ca vheno hwâm hofuc.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 25:3

Eke, ame ca he ka hmehma at ame halubahingâm: Ke ame he ka hmehma tavat adre me iyawö ke ba can.

Salamo 60:3

U je hia but omanenâ ka lakem ta je ûnyi ae hmak: U je hia but kunʼ ohmun he ka ijem waina ame omonumonu at.

Salamo 79:11

E so e ame o but ka hnyi hnyimâkâm mâng anyin tavat adre ca; Omelo tavat adre me kunâ he ka mok hoton ûganiny manâm man;

Ta je Vejec 13:15

Haba ûnykûme ae so, me ame okûâ ibetengiö: Ke hokong gethen deny tavat iyawo.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 14:4

me u me he ka hai ûhöûcû eang ge than Babulona, u me ka ha, ka habe, Ekölö ge hna bi obiny at ûsedö! ke adre me bi obiny taun gol!

Isaia 14:7

A menâ hia thibut hmeledrany me laba wia: kʼ adre me ie hai khumöng.

Isaia 22:6

Ke Elama ame hom thi fana, me je kariota me tavat tabö hors: ke Kira ame uny ju hna tube bec.

Isaia 24:16

Ate me hia but long je khumöng ûnyi hnyi can hmeledrany, hna ogânâ tavat ae wisa. Ke haingök, Oge me delâ tot, oge me delâ tot, ekölö gak! a hia but iyawo ge tavat iyawo; eke, ame iyawo gan hmâ hnen tavat iyawo.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 47:6

Oge me hmönyik ka lakeik, oge me okongoâ ik hnyei me hnʼ ödra ka hnyi hnyamâm: e ba hmonyin betenge u je ânyâ kodra; u je ti ohmâkâ ânyâm hna ûhûkâlâköuâ hon wahingat.

Jeremia 25:25

me ta je thaniny hia Zimeri, me ta je thaniny hia Elama, me ta je thaniny hia Madai;

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 31:25

Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Jeremia 45:3

U je ha, ka habe, Ekölö gak walang ang! anyin a Iehova ame hia but bi hanen hlöuhlöu ka hnyi anyik vec; oge sënyin dut anyin mâng, ke oge me ca wâ hna menâ.

Jeremia 49:34

Hofuc ho Iehova ame o but kö Jeremia profeta ge Elama, hnyi hna hwân musi a Zedekia than Juda, ka habe,

Jeremia 49:35

Walang hna ha hnö Iehova tuhan sabaoth, ka habe, Wâ bi oge me he ka thu cafana anyi Elama, wale ûbeönuainy hwegiödra.

Jeremia 50:14

Tot metâ thö ka Babulona igigilo, öbun hia thithö tavat hlöu cafana; hlec ut kâu, ca behânâ je fana: anyin a e ame hia but ânyâ hulo kö Iehova.

Jeremia 50:34

E hwege at ame ûcû melidra; Iehova tuhan sabaoth ien: e ame he ka ti ivino hobi ködra, me me he ka omenâ hmeledrany, me oöbubunyâ tavat adre me laba hnyi Babulona.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Jeremia 51:53

Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Je tenge anyi Jeremi 1:22

E na o ju ta je hwakecidra hia ae kong hnyi hnyimâkâm; Ke ânyâ thö kodra helâji me hnâm hna ânyâ könya can hnok je hna hanyâûâ: Anyin a iny osehia but mâng, ke sēnyin dut hnyekuk.

Daniela 5:28

PARES; adre hia but kia dokhom dökhu me ham ka at Madai me Peresi.

Daniela 5:9

Me ame hmak gan hmâ Belesaza than, me ame ke bongon bi hnyimakan, me ame hlohlo anyin je taben.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Daniela 8:20

Haba mamoe baga u je wâ a lo li faoiny, me wale li than Madai me Peresi.

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

I. Samuela 24:13

Helâji me vejec ehac anyin wahingat, ka habe, Ame o ûnyi ae kong ûnyi ge at ae kong: kʼ ame ca he hnyamok bi ka mokut hom.