Isaia 20:2 - Iaai Bible 1901 (New Caledonia)

² haba hnyi ûen eling, me ame ba Iehova a deny Isaia nöku Amosa, ka habe, He thö ka thang mano ae gan nân hnyi fetrem, ke uny jut tangen li hnyeûcam. Me e ame ânyâ helâe, kʼ ame he thu ke ba tangen hnyeûca.

Isaia 20:2 ပူးပေါင်းရင်းမြစ်များ

II. Samuela 15:30

Ke Davita ame ölö hnyi getheniny bucen Elaio, me ölö me tenge tot; ke adre tube ban, ke ba tangen linyeûca: ke haba tavat hia adre me tha he mē, ödrin e ve tube je bodrin, me ölö me tenge tot.

II. Samuela 6:20

Ke Davita ame hmetu he ka ha hnahicâ anyin bi lap. Ke ame didrut Mikala nöku Saulo he ka ûkhanö me Davita, me ha, ka habe, E ti hmanenang eja than Isaraela, at ame bi wânen lathnyaba a je hlu hluiny lathnyabaem, helâ me at ae hop ame bi wânen!

II. Je Than 1:8

Ke ödrin e thu kâu, ka habe, At ae leûn unyin, kʼ ame weikâ unen meno. Me e ame ha, ka habe, Elia e at Tisebi.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Esodo 3:5

Ke ame thu, ka habe, Ca hakekeny bi kââng: uny jut taben li hnyeûcam ûnyi hnyi li cam, anyin a haba dok e u me tot hnyin, me, wale kânâ ae kap

Isaia 1:1

HNA wâ hnö Isaia nökuʼ Amosa, waleji e ame wâ ge Juda me Jerusalema, hnyi je bong bongu Uzia, me Jotham, me Ahaza, me Hezekia, a je thaniny Juda.

Isaia 13:1

HOK honen Babulona, waleji a wâ Isaia nöku Amosa.

Isaia 37:2

Ke e ame kunö Eliakima at ame muso hnyaba, me Sebena at sihnalimen, me wahingat a tavat bi hut, adre ve khavâ ecmano ae gan nân, kö Isaia perofeta nöku Amosa.

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Ezekiela 24:17

Mâng ju ke ca hwege; ca he bi ka hnyamok, wano ju hnabicom, ke inâ ju li tangen hnyeûcam, ke ca tube li esongodâm, ke ca an ju jeû an tavat.

Ezekiela 24:23

Ke ame he ka e bi hon böbun je hnabinybak, ke hnen ju je tangen hnyeûcabun hnyi je cabun: öbun e ca he ka tenge me tenge thungaû; ke öbun e he ka aû tot hnyi anyibun ta je hulo, me ûtengiököu.

Ezekiela 4:1

KE haba u, nokon at, u me he ka hom veto kânâ ae lau me ip e hnyi hnyimâkâm, ke op ju hon e taun Jerusalema:

Ezekiela 4:5

Ke oge hia but ip köu je hunainy anyidra hulo, hoton ûseiny je bong, wale theri haded me nainte ûseiny je bong: me ame he ka takû u hulo anyin lap anyi Isaraela.

Mika 1:11

He thö hnyi hmehma ke ba ûkhaû, at ame laba hnyi Safira: ame ca o but at ame laba hnyi Zaanan; kʼ ame he tenge tot hnyi Beth-ezel ka ohia gabun at ame tethmâ.

Mika 1:8

Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Zakaria 13:4

Ke hnyi ûen eling ame he ta je perofeta ka ve hmehma ge hnödra hna wâ, ödra ka perofeta; ke adre me ca he ka khavâ ûkhaû ae hu dinen he ka iyawö:

Mataio 16:24

Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 3:4

Ke haba Ioane ame khavâ ûkhaû a leûnen kamela, kʼ ame ca hnyekon ge wen a unen meno; ke haba hing an jeû me hamon me haniiny hnyot.

Ioane 21:7

Haba aten waleji ame hnyok kâu Iesu, ame ha kö Peteru, ka habe, Than e. Ke a long ut Simona Peteru a Than e, me e ame khavâ anyin ûkot (anyin a ga uny), me e ame utut hnyiköiö ai.

Ta je huliwa 19:16

Me ame utut ködrin at ae hu hanu ae kong, me ngʼ ödrin, me hwege hudrin, me ödrin e ve kec thu me aat ûnyi hnyi uma e.

Ta je huliwa 21:11

Ke e ame o but kohmun, ke e ame hom weikö Paulo, me ame ka ca bi kâu li can me li benyin, me ha, ka habe, Haingen Hanu Kap, a gʼ ame he at Juda hnyi Jerusalema ka helâng hna ca at a weiken ang, me he ka hna ka hnyi hnyamen Aten ta je hnyei.

Josua 5:15

Ke haba taben je utbavat anyi Iehova, ame ha kö Josua, ka habe, Uny jut tangen hnyeûcam ûnyi hnyi li cam, anyin ae kap utkânâ e u me tot hnyin. Ke Josua ame ânyâ helâe.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.

I. Samuela 19:24

Ke e ame uny jut je ûkhaûen, ke e ame hnyi perofeta minya hnyi hnyimakö Samuela, me mokut ke ba ûkhaû hnyi bong hia eling me lit hia. Anyin a wale adre me ha, ka habe, Hawa, tha Saulo minya but me je perofeta?