Isaia 2:8 - Iaai Bible 1901 (New Caledonia)

⁸ Ke unöngötö idra hnyei ge ta je idola; kʼ adre me khudrung ka huliwa anyin ta je hnyamödra, wale adre me ânyâ ge je banyödra.

Isaia 2:8 ပူးပေါင်းရင်းမြစ်များ

I. Je Than 16:7

Ke ame o but hofuc ho Iehova minya a deny Jehu a perofeta nöku Hanani ga Baasa, me ga anyin lap, can ta je monu hia e ame ânyâ hnyi hnyimakö Iehova he ka okûâ anyin hmonyin ge huliwa anyin li hnyamen, wale me me helâ me lap anyi Jeroboama, me khaca minya anyin a e ame hlingâ.

II. Je Than 17:10

Ke ödrin e otilâ hobi ködrin bi je veto ame tot, me je Aseira hon je bucen hia, me hmelen je ûö hia ae hât:

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Man Ûlabainy Je Than. 27:2

Ke e ame ânyâ wisa hnyi hnyimakö Iehova helâ me hna ânyâ hia hnö Uzia a kamen; ke e ame ca hnyi dit ka hnyi uma umö Iehova. Ke haba tavat ödrin e tiga ânyâ monu.

Isaia 17:8

Ke e ame ca he ka bwela ka hnyi ta je taben hut, huliwa anyin li hnyamen, ke ame ca he ka wâ ta je ûnyi a ânyâ hnen je banyen, je Aseira, me je hna theati seûno.

Isaia 26:13

Iehova Khonguhmun lö, adre hia but musi öhmun hnen ke je than minya; ke hake u ke thibi, mʼ öhmun e he ka ogânâ iâm.

Isaia 37:19

me adre hia but khûâ je khongudrin ka hnyi meic: anyin a ödrin ca je khong bi, ke so bi huliwa anyin je hnyamen at, kʼ ödrin uto me veto bi; anyin a wale adre ohiʼ ödrin.

Isaia 40:19

Haba at huliwa ame okoiâ hnatheat, kʼ ame tube e ge gol hnen at ame huliwan gol, kʼ ame le je tö sileva hobi kâu e.

Isaia 41:29

Wâ bi, ödra hia, e ûnyi baû me ba onyen anyidra je huliwa: ang thibi, me monu but anyidra ta je hnatheat adre okoiâ.

Isaia 57:5

öbun tavat ame ka öûjöngöi öbun hnyi hmelen je iwajo me je ûö hia thithö ae hât; tavat adre me hlingâ je wanakat hnyi hnyigöulen je bucen hmelen je hmakat hnyi kic.

Jeremia 1:16

Ke oge me he ka ha hnok je hna owisa gadra, can anyidra ta je hulo hia; waleji hnyi hnödra hna digic nya, me leû utö ae bo so ka ke je khong, me hmi ka ta je huliwa anyin ta je hnyamödra bi.

Jeremia 11:13

Anyin ae ûcû ûseiny ânyâm je khong Juda me ânyâm je taun; ke öbun e hia but otilâ je taben hut ka ûnyi ae ikiki, a je tap hnân leû utö ae bo so kö Baala, hoton ûseiny je getheniny Jerusalema.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 13:2

Ke walang ang adre me kong tot, kʼ adre me ânyâ je idola hobi kodra adre me okoiâ ge anyidra sileva, a je idola hoton anyidra metâ, huliwa anyin at tretrao hia: kʼ adre me ha ge je ûnyi e, ka habe, E so ame he tavat adre me he ka hudo hut ka drem je nokon kau.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 8:6

Anyin a ûnyi ga Isaraela e; kʼ ame ânyâ e hnen at huliwa, ke ca Khong bi e: eke, adre me he ka kot omomono nokon kau anyin Samaria.

Mika 5:12

ke oge me he ka subâ degecâ hna bibihwakecin ûnyi hnyi hnya mâm; kʼ ame ca e bi hmetu unyâm tavat biobotkong:

Ta je huliwa 17:16

Ke haba Paulo ame tiga halubahingʼ ödru hnyi Athenai kʼ ame hmak hnyekon anyin a e ame wâ taun ae unöngöt ge ta je hnatheat.

Deuteronomi 4:28

Ke öbun e he ka bi athnyabainy eling je khong, wale a ânyâ ge hnyamen at, utö me veto, a ta je ûnyi ame ca wâ, me ca löng, me ca han, me ca bubune.

Hna Omanenâ 9:20

Ke haba kolon tavat adre ca hlingâ bi ge ta je mok eling, me adre me ca ietra bi ta je huliwa anyin je hnyamödra, a gʼ adre me khudrung ka ta je demoni, ke je hnatheat gol, me sileva, me bras, me veto, me uto; a ta je ûnyi ae ca khanʼ ödra bwele, me löng, me he: