Isaia 2:6 - Iaai Bible 1901 (New Caledonia)

⁶ Anyin a u je degec lakem, a lap anyi Jekob, anyin a ödra unöngötö ge je hwakecin ûnyi jemeiö, ke ödra tavat bihihwakecin helâ me at Filisiti, kʼ adre me ûkhöû hnyam me lakon je atkanyua.

Isaia 2:6 ပူးပေါင်းရင်းမြစ်များ

II. Je Than 1:2

Ke haba Ahazia ame kolu ûnyi hnyi hna pewanâ mamalama hnyi hnyeuleny ethö, hnyi Samaria, me e ame moko: ke e ame kunâ je ûthumetu, me ha ködrin, ka habe, He thö ka hnei Bele-sebuba kongon Ekerona me inye he ka möt ûnyi hnyi mok ang.

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

I. Man Ûlabainy Je Than. 10:13

Helâe ame mokcu Saulo can anyin monu wale a ânyâ kö Iehova, waleji a ca long hoton hofuc ho Iehova; ke khaca, anyin a e ame elâm unyin at ae tren biobotkong, me hnei;

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

II. Man Ûlabainy Je Than. 24:20

Ke ame o but banon Khong kö Zakaria nöku Jehoiada at bihut; me e ame tot hon tavat me ha ködrin, ka habe, Walang hna ha hnen Khong, ka habe, Anyin a ieû öbon e hanyâûâ hnanyibu anyi Iehova me me ca khanʼ öbun he ka hnahic? anyin a öbun e hia but hna degeci Iehova, me e ame hia but hna digic öbun.

Nehemia 13:23

Ke hnyi ûen eling oge me wâ at Juda tavat adre me hok momo hnyi Asedoda, me Amona, me Moaba:

Salamo 106:35

Kʼ adre me ûthuenikeni ödra me ta je hnyei, Me nâ ta je hwakecidra:

Esodo 22:18

U ma ca he ka hna but momo ae tren khong he ka möt.

Esodo 34:16

ke wâ u nye he ka hom lakudra je hlu hobi kâu lakom je baga, me ame he lakudra je hlu ka bi ûnyi monu me anyidra je khong, kʼ ame he minya lakom je baga ka bi ûnyi monu me anyidra je khong.

Ta je Vejec 6:1

NÖKUK, u je ne tot me hwaban hânâm, Ke u je ne ûkhöû hnyam hobi kâu atkanyua,

Isaia 14:29

Filisiti hia lö, ca senyin bi can adre thu uci waleji ame kuc u: anyin ame he ka o but vaipa ûnyi hnyi iwân anyin on, ke haba mâtrân e me on ame hiâ me gâ.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Jeremia 10:2

walang hna ha hnö Iehova, ka habe, Ca he öbun ka nâ hwakecin je hnyei, ke ca outen je haten drany; anyin ame outen e hnen ta je hnyei.

Jeremia 12:7

Oge hia but hna umök uma, oge hia but hna degecâ ik hnyei; oge hia but hna oûnykûmik ka hnyi hnyamen je iwahnaihmiony më.

Je tenge anyi Jeremi 5:20

Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

Levitiko 19:31

Ca he öbun ka saû ka tavat tren hanu, me tavat bibihwakeoin; ca elöm odrin, inʼ öbun e ca he ka kong: Inya Iehova Khongubun.

Levitiko 20:6

Ke haba at ame saû ka je hnyat tren hanu me tavat bibihwakeoin, he ka bi ûnyi monu hotudrin, me oge me he ka wâ hmâ at eling me subâ degecâ ûnyi hnyi iny hnyei.

Mika 5:11

ke oge me he ka subâ degecâ je taun hnyi em hnyei, me hagutâ ânyâm je hnabâ hia:

Mika 5:12

ke oge me he ka subâ degecâ hna bibihwakecin ûnyi hnyi hnya mâm; kʼ ame ca e bi hmetu unyâm tavat biobotkong:

Zefania 1:8

Ke haba hnyi bonginy hut anyi Iehova, me oge me he bi nya ka bi hwaban ta je taben, ke lakon than, ke tavat adre me khavâ je ûkhaûiny ta je hnyei bi.

Numera 23:7

Me e ame ha anyin ûhöûcû, ka habe, Balaka ame hum nya ûhek Arama, Wale than Moaba ûnyi hnyi je bucen e Deiö: Aiö u, hangö Jekob hobi könya, Ke aiö u, me û Isaraela.

Roma 11:20

Eke, adre subâ degeci ödra ûnyi hnyi ca labageju, ke u je tethmâ ûnyi hnyi ânyâm labageju. Ca bi gan, ke ot ju:

I. Samuela 6:2

Haba at Filisiti ödrin e hawâ tavat bihut me tavat bi khong, me ha ködrin, ka habe, Ohmun e he ka hawa ka tang tangö Iehova? bethe omanenâ thö kohmun dok ohmun e he ka kunâ e ka hnyin.