Isaia 2:3 - Iaai Bible 1901 (New Caledonia)

³ Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 2:3 ပူးပေါင်းရင်းမြစ်များ

Esetera 9:27

haba at Juda, ödrin e owisa, ke ödrin e ogâ, me je mâtrânidrin, me tavat ûkhacaköu mödrin hia, me me ca he ka onua bi, mödrin e he ka tuö li bong eling helâ me hna sihnalimen, me helâ me ûen adre hia but thu, hnyi ke huna me ke huna;

Salamo 102:23

E ame oûhnyûkongoâ hwegiök hnyi gethen; E ame owakhaletâ bonguk ta je bong.

Salamo 110:2

Ame he Iehova ka kunâ uciny tang hwegiâm ûheny Ziona: U ma muso bi hnyi wanben ta je iwahnaihmiöny möu.

Salamo 119:171

E so ame he li esongodik ka ha hna ogânâ; Anyin a u me nö nya ge ânyâm ta je hnanyibu.

Salamo 122:1

INYA oge me senyin hnyi ûen ödrin e ha könya, ka habe, E so otin e he ka hnyi uma umo Iehova.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Isaia 1:26

ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 19:23

Hnyi bong eling ame he ka hu hna cit gethen ûheny Aigupito Asuria ai, ke ame he at Asuria Aigupito ai, ke at Aigupito ame he ka he Asuria ai; kʼ ame he at Aigupito ka tha hmi me at Asuria.

Isaia 28:9

E ame he ka nö ia ge metâi ke ame he ka owâhmakhmeto ia ge uthumetu? tavat adre hnebaio, me hom ûnyi hnyi li basin?

Isaia 44:5

Ame he ke at ka ha ka habe, Inya atö Iehova; ke ame he ke at ka hwenyi ien bi hoton iö Jekob; ke ame he ke at ka sihnalimen ge hnyamen hobi kö Iehova, me hwenyi ien hoton iö Isaraela.

Isaia 56:5

Oge me he ka ham kodra hnyi umök uma me hnyi hnyin hna up hagik hak ke haten, me ien ae so, hon lakudra a wainda me wahlu; oge me he ka ham kodra ien ae tethmâ, wale adre me ca he bi ka subâ degecâ.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Isaia 60:3

Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Isaia 65:11

Ke haba öbun tavat öbun e hna degeci Iehova, me hnying anyik bucen ae kap, me penapena laulau kö Gada, me öunöngötâ hudiny ic hobi kö Meni;

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 31:6

Anyin ame he ka hu ûen hongot ge tavat tue hnyi bucen Eferaima, ka habe, Todrö, ate me he Ziona ai kö Iehova Khonguta.

Ezekiela 40:2

Hnyi je hna omanenâ ûnyi ge Khong e ame hum nya ka hnyi hnyei Isaraela, me ip nya hon bucen ae beû göranyai, ke haba hnyi hon e e hu helâke bongon ke taun hnyi hwaiöu.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Mataio 7:24

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic:

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 4:22

E ca khanʼ öbun hnobun hna hmi kâu; ke e khanʼ ohmun hnöhmun hna hmi kâu: anyin a ûnyi ge at Juda ûhomeli.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 10:33

Anyin a wale oge me ie ûkhûnöng köu; ke so anyin a u but ang, a u je o thö. Anyin a wale ohmun hia but ang hnyi hnyimakan Khong, he ka long ta je ûnyi hia ame he Than ka hûna köu.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Deuteronomi 33:19

Ödru me he ka hawâ tavat ka hnyi bucen; Kʼ adre me he ka hudo eling je hudiny hwakecin ae wisa: Auyin a ödru me he ka hu tang omjeû unyi eû hnyi köiö, Me ta je omjeû adre ikhâlâ hnyi öny.

Deuteronomi 6:1

KE walang hna hûna, me je hnanyibu, me je hna owisa, waleji a hûna Iehova Khongubun he ka nʼ öbun, mʼ öbun e he ka ânyâ hnyi hnyei öbun e he ka hnyin me me hu:

Iakobo 1:25

Ke haba at ame selâdrâ hnyi hnanyibu ae wisa waleji ame hnʼ öta, me tet hmâ hnyin, ca at ame löng me hnying bi, ke at bi ame ânyâ me huliwa, ame he ka hnahic at ang hnyi anyin huliwa.