Isaia 2:19 - Iaai Bible 1901 (New Caledonia)

¹⁹ Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 2:19 ပူးပေါင်းရင်းမြစ်များ

II. Samuela 22:46

Ame he je atkanyua ka aû tot, Me o hnyi öbubuny ûnyi hnyi hnyeutidra ae nedrong.

Jobu 9:6

E ame bwebwelâ hmeledrany ûnyi hnyi hnen, Me ame öbubuny je hmolominy.

Salamo 7:6

Iehova lö, todrö hnyi ânyâm hmonyin, Höhöi thö ge hmonyin anyin je iwahnaihmiöny mönya: Ke hmâkâ thö hobi könya: u je hia but otilâ hna owisa.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 2:10

Didro hnyi hnyin kic, ke ikölö u bi eû hnyi kânâ, ûnyi ge hna outö Iehova, ke ûnyi ge anyin hmanenang ae mec.

Isaia 2:21

me me dit ka hnyin je esopiny kic, ke je khekheiny je kic ae ûjejong, ûnyi ge outö Iehova me anyin hmanenang ae mec, e ka todrö ka jijingâ hwegiâ hmeledrany.

Isaia 24:1

WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Isaia 24:18

Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Isaia 24:19

A ti mou but hmeledrany, a aû but hia hmeledrany, a ti bwebwet hmeledrany.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Isaia 33:10

Ke haingö Iehova, oge me he bi nya walang ang ka tot; oge me he ka oganö nya bi walang ang; kʼ adre me he walang ang ka ogöranyi nya.

Isaia 7:19

Ke adre me he ka o hia me tabâ je thop ae ba aten, me je esopiny kic, me je ûö oe ûdedö hia, me je hnaonying hia.

Jeremia 16:16

Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Jeremia 4:29

Ame he taun hia ka kec ge hwan tavat tabô hors, me tavat hlic fana; adre me kec ka hnyi hnyot, me ölö hnyi kic: adre me he ka hna degecâ je taun hia, ke ba at a khaca ame he ka labā.

Jeremia 48:28

Öbun tavat öbun e laba hnyi Moaba lö, hna but je taun, ke labā thö je kic; mʼ u me helâ me biny at ame bi umen uma hnyi baten hnyimen op.

Ezekiela 33:27

Walang hofuc u me he ka ha kodra, ka habe, Walang hna ha hnen Than Iehova, ka habe, Kia inya inya a haba ödra hnyi je dok ae hwahwacit adre me he ka ta ge hele vat, ke haba at ae hnyi ta hnyei, oge me he ka ham e ka je meno me me an e, ke haba ödra a ödra hnyi je hnabâ me je op, adre me he ka mekiny mok ae cap.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.

Nahuma 3:11

U me he minya ka monu ge grâg, ke u me he ka ikhölö; ke u me he ka heleû hnabâ can je iwahnaihmiony.

Hagai 2:6

Anyin a walang hna ha hnö Iehova tuhan sabaoth, ka habe, Okhaca biju, ke ca bec bi, me oge me he bi nya ka jijingâ drany ke hmeledrany, ke köiö ke kânâ;

Hagai 2:7

ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Luka 23:30

Me adre me he ka hwân he ka ha ka je bucen, ka habe, Kolu takû öhmun ju; me ka ta je hut, Tubi öhmun ju.

II. Thesalonika. 1:9

tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man,

Heberu 11:38

(hnyat a ca ûcû hmeledrany kodra), kʼ adre me he baû hnyi ta je hnyebuba, me ta je bucen, me ta je op, me ta je dok ae hokong hnyi hmeledrany.

Heberu 12:26

waleji at ame obwebwelâ hmeledrany ge ifucin ehac: ke e ame hia but ha bânâ walang ang, ka habe, Oge me he ka okhaca hmejijingâ, ca hake hmeledrany thibi, ke drany minya bi.

Hna Omanenâ 11:13

Ke hu hwiöi ae gan hnyi awa eling, me ame ū but ke keihen a libenyitainy taun; ke haba hwiöi, me ame hlingâ tavat a seven thauzan: me ame ot je kolon, mʼ adre me ogânâ Khongon drany.

Hna Omanenâ 11:19

Ke adre me khong uma kap umen Khong walethö hnyi drany; me ame manen dut hnyi umen uma tangen anyin ûhihinyköu; me ame o but je hucuce, me je ifucin, me je hendreng, me hwiöi, me we wahma ae gan.

Hna Omanenâ 16:18

me ame manen dutʼje hucuce, me je hofuc, me je hendreng; ke e hu hwiöi ae gan hmâ, e ba khaca a helâe hwân ehac ge ibi hu at hnyi hmeledrany, e ba hwiöi ae gan me hwege helâe.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Hna Omanenâ 9:6

Ke ame he tavat ka elâm mok hnyi ta je bong eling, ke adre me ca he ka wâ; ke adre me he ka bemok, ke ame he mok ka kec gadra.

I. Samuela 13:6

Ke a wâ but at Isaraela a gʼ adre vhet ut (anyin ame gâ on tavat,) haba tavat adre me ve lubaduöng hnyi je hmonop, me hnyot, me kic, me op me hna hiny.

I. Samuela 14:11

Ke ödru me omanenʼ ödru bi ka lap tue anyin at Filisiti: ke haingen at Filisiti, ka habe, Wâ bi, ame o but at Heberu ûheny hnyi jē op wale ödrin e lubaduöng hnyin.