Isaia 2:11 - Iaai Bible 1901 (New Caledonia)

¹¹ Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:11 ပူးပေါင်းရင်းမြစ်များ

II. Samuela 22:28

Ke u me he ka omelö tavat adre me oevcâ: Ke u me he ka wâ tavat ae bi gan, mʼ u me he ka ohnyikânâi ödrin ju.

Salamo 18:27

Anyin a u me he ka omelo tavat ae vec; Ke u me he ka ohnyikânâ je ecmak ae bi gan.

Salamo 18:28

Anyin a u me he ka omelo anyik lamepa: Ame he Iehova Khonguk ka omelamâ anyik menekholom.

Salamo 20:8

Adre me nom ju me ta but: Ke ate me köûö thö me tot wisa.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 94:2

At ame owisa hmeledrany lö, todrö: Bi hwaban dö ka tavat adre me hnyok bi gan.

Ta je Vejec 16:5

Hmiö Iehova tavat hia adre me bi gan: A ne he ke at ka ihok beny me ke at, me ame ca he ka ba hwaban.

Ta je Vejec 30:13

E hu dö ae gorany hmonyin je emakodra, Ke ti gorany dö je bademaködra.

Isaia 10:12

Anyin a wale e ka hia but Than umo anyin huliwa hia ka bucen Ziona me Jerusalema, me oge me he ka senâ wan hnyok bigan anyin than Asuria, me hmanenanginy li emakan ame begörany.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 12:4

Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien.

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 14:15

Ke so bi adre me he ka ohnyikânâi u hedis ai, ka hnyi ûdiliny thop.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 24:21

Ke hnyi bong eling ame he Iehova ka bi hwaban ka tavat ae gorany ethö, ke je tuhan hmeledrany hnyi hmeledrany.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Isaia 28:5

Ke hnyi bong eling ame he Iehova tuhan sabaoth ka tot hnân korona ae hmanenang, me hnabinybak ae mec, hobi kâu je kolon lakeiny:

Isaia 29:18

Ke hnyi bong eling ame he ta je wejiji ka long hofuc hnyi tusi, kʼ ame he li emakan je wadröu ka bwela e ka ba but lit me menekholom.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 30:23

Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 4:1

KE hnyi bong eling ame he ta momo a seven ka kât baga a khaca me ha, ka habe, Öhmun e he ka an ö ʼhmun bi jeû, ke khavâ anyihmun bi je ûkhaû: haba wehmun thibi a u me ip iâm huhmun; mʼ u ma ohia but hna haikongu öhmun.

Isaia 40:23

at ame oûnyûkongo me oba je than; at ame wia tavat owisa hmeledrany mʼ adre me ûnyi baû bi.

Isaia 52:6

Anyin a wale, ame he lakeik ka khanʼ ödra iök: anyin a wale, ame he ka khanʼ ödra hnyi bong eling a inya at ame ha; wâ bi inya.

Jeremia 12:9

Hawa, helâ me meno ame gâ ame seset ke at ae ûhûlû, ik hnyei könya? ame o but kâu ta je meno ame gâ ae ûhûlû wale a igigilo but? he thʼ öbun, ûkhacaköuâ thö je menoiny hnyot hia thithö, hum ödra ju he ka ûhûlû.

Jeremia 9:24

ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

Ezekiela 38:14

Anyin a wale, nokon at lö, perofeta thö me ha kö Gog, ka habe, Walang hna ha hnen Than Iehova, ka habe, Hnyi bong eling e ka laba khotkic lakeik a at Isaraela, hawa ame ca he ka khanö u?

Ezekiela 38:19

Anyin a oge hia but ha hnyi hnok hna ciâ, ke hnyi meicin anyik hmönyin, ka habe, E hnathu hnyi ûen eling ame he ka hu hwiöi ae gan hnyi hnyei Isaraela;

Ezekiela 39:11

Ke haba hnyi bong eling, oge me he ka hna kö Gog ke dok hnân khon komok hnyi Isaraela, wale hnyigöulen bucen anyin tavat adre me he hnyi ke keihen e deiö hnyi köiö: ke ame he ka hlöng gethen ka tavat adre me he: ke adre me he ka konim Gog me anyin je deö vat hia eling: ke adre me he ka hwenyi ien e Hnyigöulen bucen Hamona-gog.

Ezekiela 39:22

Me ame he lap anyi Isaraela ka wâ a inya Khongudrin, hwân hnyi bong eling ke ne o but nyiele.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Hosea 2:16

Ke haingö Iehova, ka habe, Hnyi bong eling u me he ka hawo nya, me Ishi; ke u me ca he hmetu ka hawo nya, me Baali.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Joela 3:18

Ke haba hnyi ûen eling ame he ta je bucen ka khukhula ge waina ae hnebwia, ke ame he je hut ka di ge debai, ke ame he ka khukhutu köien je wagewe Juda; ke ame he pupua ka o ûnyi hnyi uma umo Iehova, me hû hnyigöulen bucen Sitima.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Obadia 1:8

Haingö Iehova, ka habe, Hawa oge me ca he ka ohia hnyi bong eling tavat ae metâ hnyi Edoma, me wâ ûnykûme ûnyi hnyi bucen anyi Esau?

Mika 2:3

Anyin a wale walang hna ha hnö Iehova, ka habe, Wâ bi, oge me ûnykûme ûnyi ae kong ka lap ang, mʼ öbun e ca he ka thang je nyibun ûnyi hnyin, ke öbun e ca he ka he kököm; anyin a ûen ang ae kong.

Mika 4:6

Hnyi bong eling, haingo Iehova, oge me he ka ûkhacaköuâ tavat adre me he ci, ke oge me he ka ûkhöûnâ at adre obâ, me at oge hia but ovecâ;

Mika 5:10

Ke haba hnyi bong eling, haingo Iehova, me oge me he ka subâ degecâ je hors hnyi wanbâm, me ohia ânyâm je kariota:

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Zefania 3:16

Hnyi bong eling adre me he ka ha ka Jerusalema, ka habe, Ca ot bi: Ziona lö, e so ame ca he ka him bi li hnyamâm.

Zakaria 9:16

Ke ame he Iehova Khongudrin ka omeli ödra hnyi bong eling helâ me hnahat mamoe wale lakeiny: anyin adre me he ka helâ me vetoiny korona adre kap goranyai hon iny hnyei.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

II. Korinito 10:17

Ke haba at ame hobeluâ, e so e ame hobeluâ Than.

II. Korinito 10:5

ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

II. Thesalonika. 1:10

e ka o me me ogânâ e hnen anyin wakap, me he ka lâiâ gan hnyi bong eling hnen tavat hia adre me labageju (anyin a öbun e kap hnöhmun hna thumetu öbun).

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.