Isaia 19:8 - Iaai Bible 1901 (New Caledonia)

⁸ Ke ame he ka tenge tavat thut, ke adre me he ka hlöuhlöu hia tavat adre me hnahna wage ka hnyi Nail, ke adre me he ka hmak hnyok tavat adre thung ert eû hnyi köiö.

Isaia 19:8 ပူးပေါင်းရင်းမြစ်များ

Esodo 7:21

Ke a mokcu ta je wâ hnyi wagewe; kʼ ame bon dut wagewe, ka ca khana hmetu at Aigupito he ka ijem köiöiny wagewe; kʼ ame hu dra hnyi hnyei Aigupito hia thithö.

Ezekiela 47:10

Ke ame he tavat thut ka ûtitilen hnyi baten: hwân hnyi Ene-gedi ke ne o but hnyi Ene-gelima, kʼ adre me he ka thong eling je ert; ke helâ me je wâiny köiö ae gan je wâ, e ve bongon, ke se hia hmonyin.

Habakuka 1:15

E ame kap goranyai ödra hia ge wage, kʼ ame ohnoki ödra hnyi ûten ert, kʼ ame hum ödra hnyi ûten ert hlihli: anyin a wale e ame senyin me hobâ.

Habakuka 1:17

Anyin a wale, hawa, ame he ka öba onyen ûten ert, kʼ ame ca he ka hokhnyok hnyi hnen hna labö ohia ta je hnyei.

Numera 11:5

Ötin e ûnykûme je wâ waleji ötin e an baûâ hnyi hnyei Aigupito; me ta je kokuma, me je wajem, me je liki, me je önyen, me je galika:

Mataio 11:17

me ha, ka habe, Ohmun e hia but tuö köwi köbun, ke öbun e ca bibiâ bi, ohmun e hia but tenge köbun, ke öbun e ca sang betenge thö.