Isaia 19:23 - Iaai Bible 1901 (New Caledonia)

²³ Hnyi bong eling ame he ka hu hna cit gethen ûheny Aigupito Asuria ai, ke ame he at Asuria Aigupito ai, ke at Aigupito ame he ka he Asuria ai; kʼ ame he at Aigupito ka tha hmi me at Asuria.

Isaia 19:23 ပူးပေါင်းရင်းမြစ်များ

Salamo 87:4

Oge me he ka haiö Rahaba, me Babulona a unyin tavat ae khanʼ ödra inya: Wâ bi Filisiti me Turo, tha ödru me Aithiop; Walang at adre hnokoâ eling.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 19:24

Hnyi bong eling ame he Isaraela ka bi kuniny me Aigupito me Asuria, hnân hnahic hnyi wanben hmeledrany:

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 49:11

Ke oge me he ka wia anyik je bucen hia hnân gethen, ke adre me he ka ögoranyâ anyik je hna cit gethen.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 62:10

Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.

Isaia 66:23

Ke hwân hnyi ke imaneniny tehi, ke ne o but hnyi ke imaneniny ke tehi, ke hwân hnyi ke sabath, ke ne o but hnyi ke sabath, ame he ka o tavat hia he ka khudrung hnyi hnyimakök, haingö Iehova.

Mika 7:12

Hnyi bong eling adre me he ka o köu ûhedra Asuria ke je tauniny Aigupito, ke ûhedra Aigupito ke ne o but hnyi Wagewe, ke ûhedra hnyi ke köiö ke ne o but hnyi ke köiö, ke ûhedra hnyi ke bucen ke ne o but hnyi ke bucen.