Isaia 19:19 - Iaai Bible 1901 (New Caledonia)

¹⁹ Hnyi bong eling ame he ka hu taben hut kö Iehova hnyi wanben hnyei Aigupito, me haten adre otilâ kö Iehova hnyi hnyigöulen e.

Isaia 19:19 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 28:18

Ke Jekob ame vesâkong me hom veto e ame hunâ, me otilâ e hnân haten, me hû hon ge wakaco.

Salamo 68:31

Ame he ka o but je than ûhedra Aigupito; Ame he Aithiope ka ie inâ li hnyamen ka Khong.

Esodo 24:4

Ke haba Mose ame sihnalimen je hofuc ho Iehova, me vesâkong, me otilâ taben hut hmelen bucen, me je veto ame tot a twelv hoton je tribu a twelv anyin at Isaraela:

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Isaia 60:7

Adre me he ka ûkhacaköuâ je hnahat hia hnyi Kedera köu, kʼ ame he je mamoe bagainy Nebaioth hia ka bi athnyabaem: adre me he ka öliâ tabök tap hnyi so, ke oge me he ka omecâ uma umen anyik hmanenang.

Isaia 66:23

Ke hwân hnyi ke imaneniny tehi, ke ne o but hnyi ke imaneniny ke tehi, ke hwân hnyi ke sabath, ke ne o but hnyi ke sabath, ame he ka o tavat hia he ka khudrung hnyi hnyimakök, haingö Iehova.

Jeremia 46:2

Ge Aigupito: me utbavat anyi Farao-neko thaniny Aigupito, a e hnyi wagewe Euferate hnyi Kakemis, waleji hnö Nebukaneza than Babulona hna kot hnyi huna a vaki Jehoiakima nöku Josea than Juda.

Ezekiela 29:1

HNYI huna a teniny, hnyi tehi a teniny, hnyi bong a twelv, ame o but könya hofuc ho Iehova ame ha, ka habe,

Ezekiela 30:1

KE ame o but minya könya hofuc ho Iehova, ame ha, ka habe,

Ezekiela 31:1

HNYI huna a eleveniny, hnyi tehi a kuniny, hnyi bong a bâniny tehi, ame o but könya hofuc ho Iehova ame ha, ka habe,

Ezekiela 32:1

HNYI huna a twelviny, hnyi tehi a twelv, hnyi bong a bâniny tehi ame o but könya hofuc ho Iehova, ame ha, ka habe,

Zakaria 6:15

Ke ame he tavat ûhedra sâkâû ka o me op uma umo Iehova, me öbun e he ka wâ a ga kunö nya köbun Iehova tuhan sabaoth. Ke ame he ka, aat e, öbun e ne long wia ifuci Iehova Khongubun.

Heberu 13:10

E hu but gata taben hut, waleji ae ca ûcû ka tavat adre me huliwa hnyin uma menâ he ka hnyi han ûnyi hnyin.

Josua 22:10

Ke ödrin e o hnyi baten Joridano hnyi hnyei Kanana, me haba je laku Reubena, me je laku Gada, me hafiny tribu Manase ödrin e otilâ taben hut hnyi Joridano, tap ae gan hnân wâ.

Josua 22:26

Anyin a wale haingöhmun, ka habe, Otin a hwân walang ang he ka otilâ taben hut, a ca hnân leû hut me bi hut hon e:

Josua 22:27

ke so bi hnân haten e wanböhmun möbun, me anyitin je dö hwabötin, mʼ ohmun he ka ânyâ huliwa anyi Iehova hnyi hnyimakan hnyi je hudiny leû, me je hut, me je hudiny ûsoköu; me me ca he lakubun ka ha nyiele ka lakuhmun, ka habe, E ba jekhöûbun unyi Iehova.

Josua 22:28

Anyin a wale ohmun e ha, ka habe, Ödrin ka he ka ha helâe kohmun me anyihmun je dö nyiele, ohmun e he ka ha bi, ka habe, Wâ bi tulut taben hut kö Iehova a ânyâ lakamöhmun, a ca hnân leû hut me bi hut bon e; ke so bi hnân ohnathoâ kohmun möbun.

Josua 22:34

Ke haba laku Reubena, me laku Gada, me ödrin e hwenyi ien taben hut, me At ohnatho, anyin a hnân ohnathoâ köta a Khonguta Iehova.