Isaia 19:16 - Iaai Bible 1901 (New Caledonia)

¹⁶ Hnyi bong eling ame he Aigupito ka helâ me omomo: ke ame he ka öbubuny me ot can hna jijingâ hnyamö Iehova tuhan sabaoth, wale e ame jijingâ hudra.

Isaia 19:16 ပူးပေါင်းရင်းမြစ်များ

Salamo 48:6

Ame khöû ödra ju eling ge öbubuny; Me vec, helâ me momo ame vec hnyin.

Esodo 11:6

Kʼ ame he ka hu tenge ae gan hmâ hnyi hnyei Aigupito hia, e ba helâe ehac, kʼ ame ca he hmetu ka helâ.

Isaia 10:32

Hnyi bong ang e ame he ka laba hnyi Nob: kʼ ame jijingâ hnyamen ka bucen anyin hlu Ziona, a hutiny Jerusalema.

Isaia 11:15

Ke ame he Iehova ka ohia beduainy köiö hnyi Aigupito, ke jijingâ hnyamen hon Wagewe ge anyin ang ame hiâ, me kot e me me seven but ta je di, mʼ adre me he ka hanyâûâ ke mada bi tangen hnyeûcadra.

Isaia 13:2

Ogöranyâ thö boûdila hon bucen dok ae ba leûnen, hongot dö kodra, ûalû thö ge hnyam, mʼ adre me didro hnyi je homagouleny je than.

Isaia 30:17

Ame he wan thauzan ka kec ge ifucin at a khaca; öbun e he ka kec ge ifucin hnyat a thabûng: ke ne o but adre me hnʼ öbun dut helâ me aneunya hon bucen, ke helâ me boûdila hon dok ae hut.

Jeremia 50:37

E hu hele vat hon haledra je hors, ke hon anyidra je kariota, ke hon tavat hia ae ve bongon hnyi wanben, kʼ adre me he ka helâ me omomo: e hu hele vat hon tangen tang omjeû, ke adre me he ka hûgûnâ.

Jeremia 51:30

Ame ca bevat hnen tavat hwege hnyi Babulona, adre me laba hnyi hnyin je hnabâ: e ba but tang hwegiödra; ödra ûcû me omomo: a thong ut je hnyabadra; ke a mou thö ta je ohmâiny.

Obadia 1:9

Temana lö, ame he ânyâm tavat hwege ka öbubuny, mʼadre me hlingâ degecâ tavat hia hnyi bucen anyi Esau.

Nahuma 3:13

Wâ bi, haba tavat hnyi wanbâm, me helâ me omomo; adre me khong laûâ je homagouleny em hnyei ka ta je iwahnaihmiony möu: kʼ adre me thong ânyâm je venyâ ge meic.

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Zakaria 2:9

Ke wâ bi oge me he ka nyinyikâ hnyamok hudra, me ame he ka sei ödra hnen tavat waleji adre me bi lathnyaba kodra; mʼ öbun e he ka wâ a ga, kunö nya Iehova tuhan sabaoth.

I. Korinito 2:3

Ke inya unyibun hnyi sēnyin, me ot, me öbubuny ae gan hmâ.

II. Korinito 5:11

Anyin ae khanʼ öhmun ûnyi hnân ootâ unyin Than, wale me öhmun e ûjeogö tavat, ke öhmun e manen dut ka Khong; ke ogeʼ me ûnykûme a öhmun manen dut minya hnyi je ûnykûmenöbun.

Heberu 10:31

Hnân outen hmonyin he ka ta ka hnyi li hnyamen Khong ae möt.