Isaia 19:11 - Iaai Bible 1901 (New Caledonia)

¹¹ E ti monu but je thaniny Zoana; ke ûhnenamöiny tavat ae nua metâ he ka ha bongon unyi Farao ödrin e monu but: ieû gabun öbun e ha kö Farao, ka habe, Inya nokon at ae metâ, nokon je than kâû adrem?

Isaia 19:11 ပူးပေါင်းရင်းမြစ်များ

I. Je Than 4:30

Ke haba metâ anyi Solomona, me gan hon metâ anyin tavat hia thithö e deiö, me metâ hia hnyi Aigupito.

I. Je Than 5:10

Me Hirama ame ham kö Solomona je uto arasi me je uto kop e ame weny.

Jobu 12:17

E ame lelö but ta je obotkong, hnyat adre hia but söh, Kʼ ame omono tavat owisa.

Salamo 33:10

Iehova ame oûnyibâûâ je ûhnenamö anyin ta je hnyei: E ame oba troban je ûnykûmenen tavat.

Salamo 73:22

Iny monu ke ca khanö nya; Iny helâ me meno hnyi hnyimâkâm.

Salamo 78:12

E ame ânyâ ta je ûnyi hnân lâiâ hnyi hnyimakan lakamödra, Hnyi hnyei Aigupito, hnyi ta hnyei hnyi Zoana.

Salamo 78:43

Me hnen hna otilâ hnyi Aigupito anyin ta je haten, Me anyin ta je ûnyi hnân lâiâ hnyi ta hnyei hnyi Zoana;

Salamo 92:6

E ca khana bi at ae ba hnyekon; Kʼ ame ca wâhmakhmeto e hnen at ae monu.

Esodo 8:14

Ke adre me ve ûkhöûnâ: ke bon dut hnyei.

Esodo 8:4

kʼ ame he ta je rama ka tabö u me ta je lakom, me je lathnyabaem hia.

Ta je Vejec 30:2

E hnathu iny monu hon tavat, Ke ba gak wâhmakhmeto anyin at:

Isaia 19:13

A monu but je thaniny Zoana, adre iyawâ je thaniny Nofi; haba je taben je tribuiny, adre hia but omonoâ Aigupito.

Isaia 19:3

Kʼ ame he Aigupito ka gâon hnyin e; ke oge me he ka ohia ûhnenamöiny: ke adre me he ka elâlâm je idola, me tavat ulit, me tavat tren biobotkong, me tavat bi khong.

Isaia 29:14

anyin a wale wâ bi, oge me he bala ka ânyâ ûnyi ae ke bongon bi ka tavat ang, a ûnyi hnân lâiâ me ûnyi a ûöman: ke ame he ka hia metâ anyin tavat ae metâ gadra, kʼ ame he ka iyong ûnykûmânen tavat wâ wia gadra.

Isaia 30:4

Anyin a e hnyi Zoana je tuhan, ke ame o but hnyi Hanes anyin ta je ûthumetu.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Jeremia 10:14

Ame ve hwakecin meno bi tavat hia, me ba wâhmakhmeto unyidra: a ve hmehma but tavat huliwan gol hia ge anyidra bi hnatheat: anyin ae thoi but anyin idola adre okoiâ, ke ba homenâ eû hnyidrin.

Jeremia 10:21

Anyin a hwakecin dut meno tavat tuö mamoe, me ca elâm bi unyi Iehova; anyin a wale, e ba sot gadra, ke ame vese hia haledra je hna hat mamoe.

Jeremia 46:17

Adre me kuko eling me ha, ka habe, Haba Farao than Aigupito me mede thibi; e ame onua but ûen adre thu.

Jeremia 49:7

Ge Edoma. Walang hna ha hnö Iehova tuhan sabaoth, ka habe, Hawa, e ba hmetu metâ hnyi Temana? hawa, a aû but hna khana bongon unyin tavat wâ wia? ke a hia but anyidra metâ?

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Ezekiela 28:17

E bi gan dut hnyekom ge ânyâm hmanenang, e monu but ânyâm metâ hnen ânyâm mec: oge hia but khûö u hnyikânâi, oge hia but ip u hnyi hnyimakan je than mʼ adre me he ka ö u thö.

Ezekiela 30:14

Ke oge me he ka oba wan Patherusi me hû meic hnyi Zoana, me bi hwaban ka No.

Ezekiela 7:26

Ame he ka o but ke ûokonguny me ke ûokonguny, ke ame he ka hu ke ûthumetu me ke ûthmetu; ke adre me he ka elâm hna omanenâ unyin perofeta; ke ame he ka hia hnanyibu unyin at bihut, me wâ bongon unyin wahingat.

Obadia 1:7

Adre hia but hum u hnyi gethen hnen lahiâm hia, wale ka hnyi hnyigot: adre hia but iyawo u, me hwege hom, tavat adre ûsoköu möu; adre lau hnewe hobi köu hnen tavat adre me an âm jeû: e ba bi metâ gan.

Obadia 1:8

Haingö Iehova, ka habe, Hawa oge me ca he ka ohia hnyi bong eling tavat ae metâ hnyi Edoma, me wâ ûnykûme ûnyi hnyi bucen anyi Esau?

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Ta je huliwa 7:22

Ke adre me nö Mose hnyi ta je metâ hia anyin at Aigupito; kʼ ame metâ but hnyi hofuc a hwan, me anyin ta je huliwa.