Isaia 19:1 - Iaai Bible 1901 (New Caledonia)

¹ HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 19:1 ပူးပေါင်းရင်းမြစ်များ

Salamo 104:3

Wale at ame bi taben je hnyeuleny hnyi köiö; Kʼ ame wia je ûlâ me hnân anyin kariota; Me gâ hnyi li labenyin ang:

Salamo 104:34

E so ame hnebwia mekhunen hnyekuk kâu: Oge me he ka senyin kö Iehova.

Salamo 18:9

E ame oto minya drany, me utut; Ke eû hmelen li can bi menekholom ae khot.

Salamo 68:4

Khumöng dö ka Khong, ogânâ thö ien: Khaû thö gethen hobi kâu at ame he hnyi wanben je hnyebuba; Ien bi Ja; ke senyin dö hnyi hnimakan.

Esodo 12:12

Anyin oge me he ka vheno hnyei Aigupito hnyi lit eling, me kot ta je atö hia hnyi hnyei Aigupito, wale at me omeno; ke oge me he ka bi hwaban ta je khong, hia hnyi Aigupito: inya Iehova.

Isaia 13:1

HOK honen Babulona, waleji a wâ Isaia nöku Amosa.

Isaia 13:7

Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

Isaia 19:16

Hnyi bong eling ame he Aigupito ka helâ me omomo: ke ame he ka öbubuny me ot can hna jijingâ hnyamö Iehova tuhan sabaoth, wale e ame jijingâ hudra.

Isaia 21:9

ke wâ bi, waleû deö at ame o, tavat tabö hors a ödra ûsa lo. Ke e ame thu me ha, ka habe, A ta but, a ta but Babulona; ke adre hia but sa hnyikânâi je idolainy je khongon.

Jeremia 25:19

kö Farao than Aigupito, me lathnyabainy, me anyin je taben, me je lakeiny hia;

Jeremia 4:13

Wâ bi, e ame he ka o helâ me je ûlâ, me anyin je kariota helâ me hou: haba haleny je hors e logot hon je aeto. Ekölö gata anyin ate hnaûhango but.

Jeremia 44:8

me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Ezekiela 30:13

Walang hna ha hnen Than Iehova, ka habe, Oge me he minya ka ohia je khong, me bi obiny je idola hnyi Nofi: ke ame ca he hmetu ka hu thaniny hnyei Aigupito; ke oge me he ka okûâ ot hnyi hnyei Aigupito.

Joela 3:19

Ame he ka ba wan Aigupito, ke ame he Edoma ka hnyebuba ae ba wan, can hna ovecâ lakon Juda, anyin a adre hia but hingâlâ dra ae ba hnyikongon hnyi idrin hnyei.

Nahuma 1:1

HOK honen Nineve. Tusiny hna omanenâ kö Nahuma at Elekosi.

Nahuma 1:3

E bec Iehova he ka hmonyin, ke gan hmâ maniny man, ke e ame ca he ka hna bâûâ at ame ânyâ hulö: haba gethen de Iehova wale hnyi höu me weneû, ke haba je ûlâ, me wale sesâ hnyi li can.

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.

Zakaria 14:18

Ke a ne ca hnyi he lap anyin Aigupito, me o but, me ame he ka ba we kodra; ame he ka e bi ling mok ae cap, wale hnö Iehova hna kunâ ka hnyi je hnyei adre me ca hnyi he me tuö bijeûiny uma mano.

Numera 33:4

kʼ ame tiga konâm lakudra a bân hia hnen at Aigupito, waleji u hlingâ Iehova unyidra: ke Iehova ame bi hwaban minya anyidra je khong.

Deuteronomi 33:26

Jesuruna lö, e ba at ae ûcû me Khong, At ame tabâ drany me me hadruo u Ke hon je ûlâ hnyi anyin hmanenang.

Josua 2:11

Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.