Isaia 18:3 - Iaai Bible 1901 (New Caledonia)

³ Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 18:3 ပူးပေါင်းရင်းမြစ်များ

Salamo 50:1

HABA Khong, a Khong Iehova ame hia but fuc, Me hawâ hmeledrany ûnyi hnyi hna o hnen seûno ke ne o but hnyi hnen hna dit.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 13:2

Ogöranyâ thö boûdila hon bucen dok ae ba leûnen, hongot dö kodra, ûalû thö ge hnyam, mʼ adre me didro hnyi je homagouleny je than.

Isaia 13:4

E hu hwan tavat ae se hia hnyi je bucen helâ me tavat ae se hia hmonyin! hwan medien je dökhuiny je hnyei adre me tha ûkhacaköu! Iehova tuhan sabaoth ame oc je utbavat he ka vat.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 31:9

Ke ame he ka hia hnen hna kic gan can e ame ti ot bi, kʼ ame he anyin je taben ka outen boûdila, ame ha Iehova, at a anyin bi meic hnyi Ziona, ke at a anyin bi inyâ ji hnyi Jerusalema.

Isaia 49:22

Walang hna ha hnö Iehova, ka habe, Oge me he ka hai hnyamok ka ta je hnyei, ke oge me he ka otilâ anyik boudila ka tavat: ke adre me he ka hom jem lakom obaga hnyi je ûlaidra, ke vadren lakom wahlu.

Isaia 5:26

Ke e ame he ka ogöranyâ boûdila ka hnyi ta je hnyei ae sâkâû, ke e ame he ka hûlûwhajû kodra ûnyi hnyi obiny hmeledrany: ke wâ bi adre me he ka ie o logot:

Isaia 7:18

Ke haba hnyi bong eling me ame he Iehova ka hûlûwhajû ka je nöng ûnyi hnyi obiny je wageweiny Aigupito, me ta je bi minya ûnyi hnyi hnyei Asuria.

Jeremia 22:29

Hmeledrany, hmeledrany, hmeledrany lö, löng ju hofuc ho Iehova.

Jeremia 51:27

Otilâ thö boûdila hnyi hnyei, tûâ thö trutru hnyi je hnyei, penapena thö je hnyei kâu, hawâ ûkhaca-köuâ thö kâu ta je dökhuiny Ararata, me Mini, me Asekenaza: otilâ thö ke taben vat kâu; oâ thö je hors helâ me je wahamon ae ûjejong.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Mika 6:2

Long ju öbun je bucen lö, ivino anyi Iehova, me öbun je taben a tethmâiny hmeledrany: anyin ae hu ivino anyi Iehova me lakeiny, ke e ame he ka ûhnei me Isaraela.

Mika 6:9

Ifuci Iehova ame hongot hnyi taun, kʼ ame he at ae metâ ka wâ iâm: long ju öbun öso, ke at ame muso e.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.

Mataio 13:16

Ke hnahic hnen ta je emaköbun, anyin öbun e wâ, me ta je hnyikönyöbun, anyin öbun e long.

Mataio 13:9

Haba at ae hu hnyikonyen, long ju e.