Isaia 18:2 - Iaai Bible 1901 (New Caledonia)

² at ame kunâ je ûthumetu a deny je köiö, wale adre me tabâ je hu gom hon köiö, me ha, ka habe, he thʼ öbun je ûthumetu ae logot, ka hnyi hnyei ae hwege me hnyok baga, ka hnyei adre outen hwân ehac me nyiele; wale a hnyei adre ham je tulut, me adre me ututo, hnyei a susubâ hnen je wagewe!

Isaia 18:2 ပူးပေါင်းရင်းမြစ်များ

II. Man Ûlabainy Je Than. 14:9

Ke ame o but ködrin he ka vat Zera at Aithiope, me utbavat a wan thauzan je thauzan, ke theri haded je kariota; ke e ame o but hnyi Maresa.

II. Man Ûlabainy Je Than. 16:8

Hawa, e ca utbavat ae gan hmâ hmonyin at Aithiope, me Lubi, me se hia hmonyin je kariota me tavat tabô hors? ke so bi anyin a u je labageju kö Iehova, me e ame hnʼ ödrin ka hnyi hnyamâm.

Jobu 9:26

Ame hia but, helâ me hu ae logot kec: Ke helâ me aeto ame gâ ka hnyi haniny.

Esodo 2:3

Ke ca khana hmetu he ka ikhâlâ e hnen momo, me e ame hom tang waje hobi kâu e, me botro ge hemara me bilit, me ip wanakat hnyin, me ip ju hnyi! samun hnyi baten wagewe.

Isaia 18:7

Hnyi ûen eling adre me he ka ham bwihlany kö Iehova tuhan sabaoth ûnyi hnyi hnyei ae hwege me hnyok baga, wale hnyei adre me outen hwân ehac ke ne o but nyiele; a hnyei ame tuluto, kʼ ame ututo, a hnyei ame susubâ ge ta je wagewe, ka hnyi hnen iö Iehova tuhan sabaoth, wale bucen Ziona.

Jeremia 49:14

Oge hia but löng ûthumetu ûnyi ga Iehova, ke adre kunâ ûthumetu ka hnyi je hnyei hia thithö, he ka ha, ka habe, Ukhacaköu thö, ke he thö kâu, ke todrö he ka vat.

Ezekiela 30:9

Hnyi ûen eling ame he ka he but je ûthumetu ûheny unyik adre tabâ je hu he ka ootâ at Aithiop tavat adre me laba sot; ke adre me he ka hu vec helâ me je bonginy Aigupito; anyin a wâ bi, e but ang.

Obadia 1:1

HNA omanenâ ko Obadia. Walang hna ha hnen Than Iehova ge Edoma. Ate me long ut je uthumetu ûnyi ga Iehova, ke adre ûkhûnöng ka hnyi je hnyei, me ha, ka habe, Todrʼ öbun, ke so ate me tot ûcon me vat më.

Habakuka 1:7

Ödra tavat hnân outen me öbubuny gadra: ame ka o bi gadra hna owisa me hmanenangidra.

Luka 10:19

Wâ bi, oge hia but ham köbun man he ka uto ta je on me ta je sekopio, me maniny hia thithö iwahnaihmiony: ke ba ke ûnyi ame he ka okongu öbun.