Isaia 17:7 - Iaai Bible 1901 (New Caledonia)

⁷ Hnyi bong eling ame he at ka bwela ka At a op e, ke ame he li emakan ka wâ Kabi Isaraela.

Isaia 17:7 ပူးပေါင်းရင်းမြစ်များ

II. Samuela 22:42

Adre me bwebwele, ke ba at he ka omelö; Kö Iehova, ke e ame ca thu kodra.

II. Man Ûlabainy Je Than. 31:1

KE a um dö ûnyi hia eling, me ame he Isaraela hia, wale tavat adre me mwi e, ka hnyi je tauniny Juda, me oamamâ je veto ame tot, me sö degecâ je Aseira, me hagutâ je dok ae gorany, me je taben hut hnyi hnyei Juda hia, me Beniamina, me Eferaima, me Manase, ke ne o but adre me ohia hia thithö. Me haba lakon Isaraela hia adre me ve he ka hnyi je idrin hnyi anyidrin je taun.

Salamo 95:6

Ai öbun, e so ate me he ka khudrung ju me nom; Ate me he ka cibouca hnyi hnyimakö Iehova at a up ota:

Isaia 19:22

Ke ame he bala bi Iehova ka kot Aigupito, me osoâ bi; ke adre me he ka hmetu kö Iehova, me e ame he ka ling ödra, me osoi ödra.

Isaia 22:11

Öbun e op minya an wanben li hna up veto hobi kâu köiöiny an a kâû adrem: ke öbun e ca ûnykûme ge at a ânyâ, me ca ûnykûme wia ge at tibet e kâû adrem.

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Amosa 3:12

Walang hna ha hnö Iehova, ka habe, Adre me he ka hûgûnâ lakon Isaraela tavat adre me laba hnyi Samaria hnyi kopiny hna mokut, helâ me at tuö mamoe ame hûgûnâ ûnyi hnyi hnyimen liona li can, ame ne ke keihen hnyikonyen.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.