Isaia 17:4 - Iaai Bible 1901 (New Caledonia)

⁴ Ke haba hnyi bong eling me adre me ke ka ohalelöûâ hmanenangi Jekob, kʼ ame he ka delâ unyin ae pipikhenya.

Isaia 17:4 ပူးပေါင်းရင်းမြစ်များ

Genese 41:3

Ke wâ bi hwabödrin dö, ame o minya thö ûheny û hnyi wagewe ke je kâu a seven ae kong ka wâ me delâ; kʼ ödrin e tha tot me ke je kâu hnyi haten wagewe.

II. Je Than 17:3

Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 17:3

Ke ame he ka hia hnabâ hnyi Eferaima, me dokhu hnyi Damaseko, me je kolon hayi Suria; kʼ adre me he ka helâ me hmanenanginy lakon Isaraela, haingö Iehova tuhan sabaoth.

Isaia 24:13

Anyin ame he ka helâe bi hnyi hmeledrany unyin je hnyei, helâ me hna jijingâ ûö elaio, ke helâ me je wan vine adre me hlo, ödra ka hia but tau je wan.

Isaia 24:16

Ate me hia but long je khumöng ûnyi hnyi can hmeledrany, hna ogânâ tavat ae wisa. Ke haingök, Oge me delâ tot, oge me delâ tot, ekölö gak! a hia but iyawo ge tavat iyawo; eke, ame iyawo gan hmâ hnen tavat iyawo.

Isaia 9:21

Manase ame he ka ön Eferaima; ke Eferaima ame he ka ön Manase: kʼ ödru ma he ka tha hiödru ka vat me Juda. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 9:8

Than ame kunâ hofuc kö Jekob, ke ame bi bi hon Isaraela.

Ezekiela 34:20

Anyin a wale, walang hna ha hnen Than Iehova, ka habe, hamök a walonya ang, he ka owisa je meno ae pipikhenya me je meno ae delâ.

Amosa 3:12

Walang hna ha hnö Iehova, ka habe, Adre me he ka hûgûnâ lakon Isaraela tavat adre me laba hnyi Samaria hnyi kopiny hna mokut, helâ me at tuö mamoe ame hûgûnâ ûnyi hnyi hnyimen liona li can, ame ne ke keihen hnyikonyen.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.