Isaia 17:13 - Iaai Bible 1901 (New Caledonia)

¹³ Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 17:13 ပူးပေါင်းရင်းမြစ်များ

Jobu 21:18

Mʼ ödrin e tha ûcû me thatûnyin hwit ame tûâ ang, Ke helâ me unen hwit ame tûâ degecâ höu?

Jobu 38:11

Me ha, ka habe, Walang dok u ma o kâu, ke ca hanyâûâ bi; Ke wale bi ang adre me he ka thawâ ânyâm waköiö ae hmanenang?

Salamo 1:4

E ca helâe ge tavat ae kong; Ke ödra tha ûcû me unen hwit ame oû ang do.

Salamo 35:5

E so adre me he ka helâ me unen hwit hnyi hnyimakan ang, Ke angela anyi Iehova ame alin Ödra.

Salamo 65:7

Wale at ame ohnyibö iūiny je köiö, a iūiny je wabuluiny, Me imonumonuiny ta je hnyei.

Salamo 65:8

Adre me outen minya ânyâm ta je haten tavat adre me labâ je can hmeledrany; U me wia hanymen hnyomakatu me sahac he ka senyin.

Salamo 9:5

U je hia but hijingâ je hnyei, u je ohia tavat ae kong, U je kot degecâ je iödra ke ne o but nyiele balua.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 21:15

Anyin adre me kec ge je hele vat, a hele adre oc, me cafana adre lau, me vecin vat.

Isaia 22:18

E hnathu e ame he ka hwio me khuö u ka hnyi hnyei ae gan helâ me wâthâ; u me he ka mokcu eling, ke ame he ka e eling je kariotainy ânyâm hmanenang, u at ame hi hmehma hnyaban tuhâm.

Isaia 27:1

HNYI bong eling ame he Iehova ka bi hwaban ge anyin hele vat ae nâk me gan hmâ me hwege kö leviathana, on ame kec logot, me leviathana on ame hwahwali; ke ame he ka hlingâ tanimo wale hnyi köiö.

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 30:28

ke haba hnen hna menâ me helâ me wagewe ame bahihingölö ke ne o but hnyi nyin, he ka cubec ta je hnyei ge ûcûbec ûnyi a ohia: ke ame he ka e hnyi hnyimen je hnyei toiny hors wale at ame omonoâ.

Isaia 34:17

Ke e ame ugleköpi ödra, ke ame khenâ ge hnyamen kodra hoton tulut: ame he ka idra nyiele balua, adre me he ka laba eling hwân hnyi ke dö ke ne o but ka hnyi ke dö.

Isaia 40:15

Wâ bi, haba je hnyei me helâ me ûkhulainy baket, kʼ adre me ûnykûmi ödra me helâ me kânâ hnyi ûnyi hnân tulut: wâ bi, e ame kap goranyai je bomene helâ me ûnyi ae ti ûhnyûkong hmonyin.

Isaia 40:24

Eke, adre me tiga ca te ödra, kʼ adre me tiga ca konim ödra; eke e tiga ca hu wân anyidra hnyiban eû hnyi kânâ; me e ame tûʼ ödra, me adre me meleca thö, ke haba weneû ame tûâ degeci ödra helâ me thatûnyin hwit.

Isaia 41:11

Wâ bi, adre me i he ka hmehma me hlohlo ödra hia thithö adre me hmönyidra köu: ke haba tavat adre me ivino möu me adre me he ka helâ me ba kʼ adre me he ka hia but.

Isaia 8:7

anyin a wale, wâ bi, ame he Than ka oâ kodra je köiö ûnyi hnyi Wagewe, wale ae hwege me gan, than Asuria me anyin hmanenang hia: ke e ame he ka o hnyi deny je gethen hia, me bahihingölö hon je baten;

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Hosea 13:3

Anyin a wale adre me he ka helâ me ûlâ hnyi hnyomakatu, ke helâ me dân hau ae logot hia, ke helâ me unen hwit ame oû ang dö ûnyi hnyi hna huje hwit, ke helâ me hai ûnyi hnyi deny hai.

Zefania 2:2

e ka tiga ca oâ hna otilâ, e ka tiga ca he but bong helâ me thatûnyin hwit, e ka tiga ca o bi köbun hmonyin ae gan anyi Iehova, e ka tiga ca o bi köbun bong bonginy hmonyin anyi Iehova.