Isaia 17:11 - Iaai Bible 1901 (New Caledonia)

¹¹ hnyi bong u je tā hnyin u je si haginy, ke hnyi hnyomakatu u je ovhöngâ ânyâm je hatong: ke ame he ka ba menu hnyi bonginy hlöuhlöu me vec ae gan hmâ.

Isaia 17:11 ပူးပေါင်းရင်းမြစ်များ

Jobu 4:8

Wânök, a gʼ ame he tavat adre me belökâ ûnyi ae kong, Me ta ûokonguny, he ka hnyi meno e.

Salamo 90:6

Haba hnyi hnyomakatu e ame kû hlau, me kû wia; Ke haba hnyi sahac adre me subâ e, me ame meleca thö.

Isaia 17:5

Ke ame he ka helâ me at subö hwit ame ûkhacaköuâ hwit ame tot, kʼ ame subâ je wan ge benyin; eke, ame he ka helâ me hna hlo hwit hnyi hnyigöulen bucen e Refaima.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

Hosea 9:16

Adre me kot at Eferaima, ke meleca thö iwân gadra kʼ adre me ca he ka wa: eke, eja ke ne adre ne hnokoâ, me oge me he bi nya ka hlingâ lakudra adre me betenge gan.

Joela 1:17

A bobot ut je hatong eû hnyi kânâ; e ba but onyen je uma jeû, e amam but je omhani; anyin ae meleca thö hwit.

Levitiko 26:20

ke ame he ka ba troban hwegiö-bun; anyin ame ca he kânâ ka okûâ jeûiny, kʼ ame ca he ka wa ta je ûöiny hnyei.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Deuteronomi 28:39

U me he ka ta je hnyei vine me belökâ, ke u me ca he ka ijem wainainy, ke u me ca he bi ka tau wan; anyin ame he ka han hia ê ge je oûnyi.