Isaia 17:10 - Iaai Bible 1901 (New Caledonia)

¹⁰ Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 17:10 ပူးပေါင်းရင်းမြစ်များ

I. Man Ûlabainy Je Than. 16:35

Ke ha thö, ka habe, Khongon hna omeli ohmun lö, omeli ohmun ju, Me ûkhacaköu ohmun, me hnʼ ohmun ûnyi hnyi je hnyei. He ka oleâ iâm ae kap, Me hobâ ge hna oganö u.

Salamo 106:13

Kʼ adre me ie hnying ut hnen je hna ânyâ; Kʼ adre me ca lubahingen bi anyin ûhnenamö:

Salamo 106:21

Adre me hnying Khong wale at ame omeli ödra, At ame ânyâ ta je ûnyi ae gan hnyi Aigupito;

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 31:2

Ta ju li hnyikönyâm könya; ie omeli nya thö: U na he ju ka kicik ae hwege, me hnabâ hnân omeli nya.

Salamo 65:5

Khong lö, at ame omeli ohmun, U me he ka thu kohmun ge ta je ûnyi hnân outen hnyi hwakecin ae wisa. U thibi at adre me labageju kâu ke ne o but hnyi je can hmeledrany, Me hnyi köiö hnyi dok ae sâkâû:

Salamo 79:9

Khongon melihmuu lö, hadruʼ ohmun dö can hmanenanginy iâm: Ke thong ohmun dö, me ohia anyihmun je hulo ge iâm,

Salamo 85:4

Khong at ame omeli ohmun lö, hwiʼ ohmun ju, Ke oumo ânyâm hmönyin kohmun,

Salamo 9:17

Ame be tavat ae kong ka hmetu ka hnyi hedis, Wale ta je hnyei hia adre me hnying Khong.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 17:9

Hnyi bong eling ame he anyin je taun adre up veten ka helâ me je dok ae ba aten hnyi hnyot me bon ban bucen, waleji adre hna degecâ hnyi hnyimakan lakon Isaraela: kʼ ame he ka dok ae ba wan.

Isaia 18:5

Anyin a ödra tiga ca menu, e ka kolu vongon, kʼ ame wia bi vongon me me wan vine ame he ka metu but, me e ame he ka sö je vheiny ge hele si vine, mʼ adre me he ka hom je anginy ame iyâû me sö degecâ.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 26:4

Labageju thö kö Iehova nyiele balua: anyin a haba Than Iehova, me kic nyiele balua.

Isaia 30:29

Öbun e he ka hu khumöng helâ me hnyi lit hnyi j hna ânyâ bijeû; ke ame he ka senyin hnyok, helâ me at ame hom utkowi he ka he ka hnyi bucen anyi Iehova, ka Kici Isaraela.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 51:13

ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 62:11

Wâ bi, Iehova ame hia but ha ka je can hmeledrany, ka habe, Ha thö ka hluiny Ziona, ka habe, Wâ bi, ame o but ânyâm ûhomeli; wâ bi, e unyin hwaban, ke e bi hnyi hnyimakan hwaban anyin huliwa.

Jeremia 12:13

Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 3:21

Adre me long hofuc hon je dok ae ba leûnen ethö gorany, wale tenge me khöû anyin lakon Isaraela; anyin adre hia but omono dedra je gethen, me hnying Iehova Khongudrin.

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 23:35

Anyin a wale, walang hna ha hnen Than Iehova, ka habe, Anyin a u je hia but hnying nya, me kunö nya ka hnyi hotom, anyin a wale ame he ka tabö u hwakecâm ae ikiki me ânyâm bi ûnyi monu.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 8:14

Ke a hia but Isaraela hnying At a op e, me op je uma umen je khong; ke Juda ame hia but osehia je taun adre up haginy; ke so bi oge me he ka kunâ meic ka hnyi anyin je taun, me me an je uma umen than.

Joela 1:17

A bobot ut je hatong eû hnyi kânâ; e ba but onyen je uma jeû, e amam but je omhani; anyin ae meleca thö hwit.

Levitiko 26:16

me oge me he bi nya ka ânyâ köbun eang; oge me he ka kunâ köbun ot, me delâ, me kahwa unyin, me me dit je emaköbun, me aû but unyibun; kʼ ame he ka ûnyi baû hnöbun hna cekön, anyin ame he ka han e hnen je iwahnaihmiony möbun.

Levitiko 26:20

ke ame he ka ba troban hwegiö-bun; anyin ame ca he kânâ ka okûâ jeûiny, kʼ ame ca he ka wa ta je ûöiny hnyei.

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Zefania 1:13

Ke ame be ka hnân söh bi je omjehedra, ke ame he ka ba wan umödra je uma: eke, adre me he ka op je uma ke adre me ca he bi ka labâ; adre me he ka belöki vine, ke adre me ca he bi ka ic wainainy.

Deuteronomi 28:30

U me he ka kâcâ momo, kʼ ame he bi ke at ka tha mokut mē: u me he ka op uma, kʼ u me ca he bi ka labā: u me he ka belökâ vine, kʼ u me ca he bi ka ijem wan.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 32:18

U je hnying ge Kic, at ame hnöku u, Me ca ûnykûme hmetu ge Khong at ame up u.

Deuteronomi 32:31

Anyin ae ca tha ûcû anyidra kic me anyita Kic, Kʼ ame he ta je iwahnaihmiony möta ka ohnathoâ.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 8:11

Ke wâ eâu, wâ u nye hnying Iehova Khongom, me ca tuö bi hnen hna hûna, me anyin je hna owisa, me anyin je hnanyibu, wale oge me huna köu hnyi bong ang:

Deuteronomi 8:14

me wale ame bi gan hnyekom, me u me hnying Iehova Khongom at ame hum u ûheny hnyi hnyei Aigupito, ûnyi hnyi hnyaba ae ûthaluo:

Deuteronomi 8:19

Ke u je ne hnying Iehova Khongom, me hnu hoton ke je khong bi, me bi athnyabaidrin, me khudrung ködrin, awe, inya oge me ha wia köbun hnyi bong ang a gʼ adre me he ka ohiʼ öbun.