Isaia 17:1 - Iaai Bible 1901 (New Caledonia)

¹ HOK honen Damaseko. Wâ bi, adre me he ka degec Damaseko me me ca taun hmetu bi, kʼ ame he biju kahudrei.

Isaia 17:1 ပူးပေါင်းရင်းမြစ်များ

Genese 14:15

Ke e ame kia but vat, e me je lathnyabainy hnyi hnyinghet, me kuc ödra, me hnu ödra ke ne o but Hoba, wale Damaseko, ke hwadrö.

Genese 15:2

Ke haingö Aberama, ka habe, Than Iehova lö, ie ûnyi u me he kahna könya, ke inya ang at ae ba nokon, ke haba at ame he ka hwö hwabök hnyi hnya-bak, me, Eliezera at Damaseko?

I. Je Than 11:24

ke e ame ûkhacaköuâ tavat unyin bi, me me taben deo vat, waleji nnyi hnö Davita hna kuc ödrin at Zoba: ke ödrin e he Damaseko ai, me laba eling, me musi hnyi Damaseko.

II. Je Than 16:9

Me haba than Asuria ame long kâu: me ame he than Asuria Damaseko ai, me hûgûnâ e, me hom tavat adre hom bâ Kira ai, me hlingö Rezina.

I. Man Ûlabainy Je Than. 18:5

Ke ame o but at Suria ûheny Damaseko he ka hadruo Hadadeza than Zoba, me Davita ame kot twente tu thauzan at Suria.

II. Man Ûlabainy Je Than. 28:23

Anyin a e ame bi hut ka je khongon Damaseko, tavat adre kot e: haingen ka habe, Anyin a je khongon je than Suria ödrin e hadruʼ ödrin, ke oge me he ka bi hut ködrin, mʼ ödrin e he ka hadruo nya. Ke so bi ödrin e hangâ e me at Isaraela hia a tha ödrin më.

II. Man Ûlabainy Je Than. 28:5

Anyin a wale haba Iehova Khongon ame hna e ka hnyi hnyamen than Suria; mʼ adre me kot e, me hom hwenbâ je hnyat ae se hia a lakeiny, me hum ödrin Damaseko ai. Ke adre me hna e minya ka hnyi hnyamen than Isaraela, at a kot e, me gan hmâ hna hlingâ.

Isaia 10:9

Hawa, e ca tha ûcû Kalene me Kakemis? ke ca ûcû Hamath me Arepada? ke ca ûcû Samaria me Damaseko?

Isaia 13:1

HOK honen Babulona, waleji a wâ Isaia nöku Amosa.

Isaia 15:1

HOK honen Moaba. Adre me söh Ara-moaba hnyi hnyinghet, kʼ adre me oûnyibaûâ e; adre me söh Kira-moaba hnyi hnyinghet, kʼ adre oûnyibaûâ e.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 37:26

Hawa, u je ca long a oge ânyâ e kâû adrem, ke oge mâdrâ e hnyi je bong a bân? walang ang oge hia but ohwâdâ mu me he ka öba je taun adre up haginy me me je ve ta ûnyi.

Isaia 7:16

Anyin ae ka tiga ca khana e wanakat he ka höciâ hulo me ûca so, me adre me he ka hna degecâ hnyei iny li than u je hûkotiâ.

Isaia 7:8

Anyin a Damaseko ban ka Suria, ke Rezina ban ka Damaseko: ke tiga ca um bi je huna a sikste faiv me adre me he ka bödra ka susubâ Eferaima, me me ca hnyei hmetu bi:

Isaia 8:4

Anyin ae ka tiga ca khana wanakat he ka ha, ka habe, Cica ke bai, me adre me he ka hom je omjeûiny Damaseko me je hna söh hnyi Samaria hnyi hnyimakan than Asuria.

Jeremia 49:2

Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Mika 1:6

Anyin a wale oge me he ka wia Samaria me me helâ me hna digic thatûnyi hnyi utkânâ, ke hnân te vine hnyin, ke oge me he ka hagutâ je veto hnyin e ka hnyi hnyigöulen bucen, me omanenâ je taben e.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Zakaria 9:1

WALANG hok, wale a hofuc ho Iehova hnyi hnyei i Haderaka, kʼ ame he ka menâ bi hnyi Damaseko: anyin ame bwele kö Iehova emakan at ke emakan ta je tribu Isaraela hia:

Ta je huliwa 9:2

me sumâtâ je tusi gan he ka hom ka hnyi ta je sunago hnyi Damaseko, me me he ka cʼ ödra, me hom Jerusalema ai obaga me omomo, e ka hu tavat hmi ame he ka wâ.

Deuteronomi 13:16

Ke u me he ka khon ta je ûnyi hia adre hûgûnâ ka hnyi wanben gethen, me le degecâ taun ge meic, me ta je ûnyi hia adre hûgûnâ, hobi kö Iehova Khongom: kʼ ame be ka hna digic thatûnyi nyiele balua, kʼ adre me ca he hmetu ka op e.