Isaia 16:8 - Iaai Bible 1901 (New Caledonia)

⁸ Anyin a ut ame kot je utkânâ iny Hesebona, me vine hnyi Sibema; je thaniny je hnyei adre me hia but thu je ûöiny ae so; adre me o ke ne o but Jazera, adre me vheno hnyebuba; ke ame hlau je vheiny, me hanyâûâ köiö.

Isaia 16:8 ပူးပေါင်းရင်းမြစ်များ

II. Samuela 1:21

E, öbun je bucen hnyi Gileboa, E so ame ca ta hubun dân hau me we, ke ba je utkânâ hnân hut: Anyin adre degecâ eling becin at ae hwege me me kong ut, Bec anyi Saulo, helâke adre ca hû ge wakaco.

Isaia 10:7

Ke so bi e ame ca weny bi he ka helâe, kʼ ame ca ûnykûme hnyekon he ka helâe; ke e bi hnyi hnyekon he ka ohia me subâ degecâ je hnyei ke ca wakhalet bi.

Isaia 15:4

Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Isaia 16:9

Anyin a wale oge me he ka tenge helâ me ûtengien Jazera can vine hnyi Sibema: Hesebona me Eleala lö, oge me he ka hû u ge je deköiök: anyin ame o but hwan vat hon ânyâm je waniny hnyeun me ânyâm menu.

Isaia 24:7

Ame tenge waina adre teb ânyâ, kʼ ame sēnyin vine, adre me mâng hia tavat ae hnyok senyin.

Jeremia 48:32

Vineiny Sibema lö, oge me he ka tenge gam ae nua hon ûtengiö Jazera: ame hanyâûâ köiö je angâm, me o ke ne o but köiö anyi Jazera: kʼ ame utut at söh ka hnyi ânyâm je wan ae metu, me wan vine.

Numera 21:32

Ke Mose ame ûkhûnöng he ka ecmâkâ Jazera, me adre me hûgûnâ je tauniny me obâ at Amora eling.

Numera 32:3

Haba hnyei Atarotha, me Dibona, me Jazera, me Nimera, me Hesebona, me Eleala, me Sebama, me Nebo, me Beona,

Numera 32:35

me Aterotha-sofana, me Jazera, me Jogebea,

Numera 32:38

me Nebo, me Baala-meon (kʼ adre wia li ien,) me Sibema: ke adre me ve hwenyi ien je taun adre otilâ.

Josua 13:19

me Kiriathaima, me Sibema, me Zereth-sahar hnyi bucen a e hnyi hnyigöulen bucen;

Josua 13:25

Ke haba hnyigöulödrin me Jazera me je taun hia hnyi Gileada, me hafiny hnyei iny laku Amona, ke ne o but Aroera cicö Raba;