Isaia 16:7 - Iaai Bible 1901 (New Caledonia)

⁷ Anyin a wale, ame he Moaba ka tenge kuku ge Moaba, adre me he hia ka tenge: öbun e he ka mâng ge je taben Kira-haraseth, adre ti okongoâ.

Isaia 16:7 ပူးပေါင်းရင်းမြစ်များ

II. Je Than 3:25

Ke ödrin e hagutâ hnyikânâi ta je taun; me ve khûö veto hon je utkânâ hia ae so, me ounöngötâ; ke ödrin e hlöng je hna pupuainy köiö hia, me sö degecâ je ûö hia ae so: kʼ adre hnen biju hnyi Kiraharaseth je vetoiny; kʼ ame he igigilo e tavat koloû, me kot e.

I. Man Ûlabainy Je Than. 12:40

Ke haba khaca, haba tavat ae hakekeny ködrin, ke ne o but Isakara, me Zebulona, me Nafatali, me ödrin e hok areto hon je asina, me kamela, me miul, me bolok, a jeû falawa, me je û wan meta, me je de wan vine adre hlec meleca, me waina, me wakaco, me bolok, me je mamoe ae ti se hia: anyin ae hu senyin hnyi Isaraela.

I. Man Ûlabainy Je Than. 16:3

Ke e ame khenâ oûco ka tavat hia hnyi Isaraela, obaga me omomo, a ûsa khaca areto, me khaca uthmeno, me khaca ū wan vine.

Isaia 16:11

Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Jeremia 48:20

A hmehma but Moaba; anyin adre hagutâ e: kuku thö goranyai me tenge; ha thö e hnyi Arenona a ga aû hia but Moaba.

Jeremia 48:31

Anyin a wale oge me he ka; kuku goranyai ge Moab; eke, oge me he ka hongot tenge ge Moaba hia: adre me he ka tenge thungaû ge at Kira-heres.