Isaia 16:5 - Iaai Bible 1901 (New Caledonia)

⁵ Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.

Isaia 16:5 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

II. Samuela 5:9

Ke Davita ame laba hnyi hnabâ, kʼ ame hwenyi ien, me, taun anyi Davita. Ke Davita ame up veto igigilo hwân hnyi Milo ke ne o thö eiö hnyin.

II. Samuela 7:16

Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

I. Je Than 10:9

Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

II. Man Ûlabainy Je Than. 31:20

Ke haba Hezekia ame ânyâ helâe hnyi Juda hia; ke e ame ânyâ ûnyi ae so, me wisa, me hnathu hnyi hnyimakö Iehova a Khongon.

Salamo 85:10

A ûkhanö thö ibetengiö me hnathu; A ûcimhnyimak dö wisa me ûsoköu.

Salamo 89:14

Haba taben ânyâm theron me wisa me hna owisa: Ame he ibetengiö me hnathu ka bân hnyi hnyimâkâm.

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

Salamo 99:4

Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.

Ta je Vejec 20:28

Betenge me hnathu, li at tuö than: Ke haba ciny anyin theron me ibetengiö.

Ta je Vejec 29:14

Haba than a at ame owisa hnathoâ ka tavat ae theduoc, Me ame he bala bi ka tethmâ anyin theron.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.