Isaia 16:2 - Iaai Bible 1901 (New Caledonia)

² Ke ame he wahluiny Moaba hnyi je hna utihai hnyi Arenona ka helâ me je meno ame gâ monu, ke helâ me hâûeu meno adre oveseâ.

Isaia 16:2 ပူးပေါင်းရင်းမြစ်များ

II. Je Than 3:4

Ke Mesa than Moaba at ae tren mamoe; ke e ame fâtâ ka than Isaraela leûnen je nokon mamoe a wan haded thauzan, me je mamoe baga a wan haded thauzan.

Ta je Vejec 26:2

Ame gâ monu meno, me gâ baû wahalep, Ke helâe ame ca he bi ka man ûhangö baû.

Ta je Vejec 27:8

Helâ me meno ame gâ monu ûnyi hnyi hâûen, Helâe at ame he monu ûuyi hnyi hnen.

Isaia 13:14

Ke adre me he ka ve hwio ka hnyi idra ta je hnyei, me ve kec ka hnyi ta je idra, helâ me zebi adre hnu, me helâ me je mamoe ae ba at ame alen.

Jeremia 48:20

A hmehma but Moaba; anyin adre hagutâ e: kuku thö goranyai me tenge; ha thö e hnyi Arenona a ga aû hia but Moaba.

Jeremia 48:46

Ekölö gam Moaba! e kong ut at Kemosa: anyin adre hom lakom je baga mʼ adre me bâ, me lakom je hlu he ka bâ.

Jeremia 48:9

Ham dö li labenyin kö Moaba, me me gâ me kec: ke ame he ka ba onyen je tauniny, ke ba bi aten.

Numera 21:29

Ekölö gam, Moaba! Hnyei Kemosa lö, adre okongu u: E ame hna lakon baga mʼ ödrin e kec möt, Ke lakon je hlu mʼ ödrin e hwenbâ, Kö Sihona tuhan at Amora.

Deuteronomi 2:36

E ba ke taun ae hwege huta, hwân hnyi Aroera hnyi baten hnyigöulen bucen e Arenona, me taun a e hnyi hnyigöulen bucen, ke ne o but Gileada: Iehova Khonguta ame hna but hia köta hnyi hnyima-köta:

Deuteronomi 3:12

Ke ate me labā hnyei e hnyi ûen eling: hwân Aroera hnyi hnyigöulen bucen e Arenona, me hafiny hnyei hnyi bucen Gileada, me je tauniny, me waleji oge ham ka at Reubena me Gada:

Deuteronomi 3:8

Ke, haba hnyi ûen eling ate me hûgûnâ hnyei ûnyi ge li thaniny at Amora, hoton Joridano, hwân hnyi hnyigöulen bucen e Arenona ke ne o but hnyi bucen Heremona;

Josua 13:16

Ke haba hnyigöulödrin, hwân Aroera hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba;

Owisa 11:18

Ke e ame vheno hnyebuba, me igigilo hnyei Edoma, me hnyei Moaba, me he hnyi ke keihen e deiö hnyei Moaba, me hunuma hnyi ke keihen Arenona; ke ödrin e ca o hnyi hnyigöulen Moaba, anyin a Arenona hnyigot me Moaba ehac.