Isaia 16:14 - Iaai Bible 1901 (New Caledonia)

¹⁴ Ke a hia but fuc Iehova walang ang, me ha, ka habe, Hnyi ta huna a kun hoton je hunainy at ame hok hwaban, me adre me he ka hûkotiâ hmanenanginy Moaba, tha e me aten ae se hia hmonyin; kʼ ame he ka wakhalet hmonyin je kolon ke ca ûnyi hnathu hmetu.

Isaia 16:14 ပူးပေါင်းရင်းမြစ်များ

Genese 31:1

KE e ame löng ta je hofuc hwan laku Labana ta baga, ka habe, A hom hia thö Jekob ta je ûnyi anyi cica; ke ûnyi hnyi ta je ûnyi anyi cica e ame hom hmanenang eang.

Esetera 5:11

Ke haba Hamana ame omanenâ ködrin hmanenanginy anyin tang omjeû, me ûseiny je lakon, me ta je ûnyi hia than ame oganâ hnyin, me hnen hna ogöranyâ e hon je than me lathnyabainy than.

Jobu 14:6

Hwio thö gan, me me menâ ju, Ke ne o but e ame he ka ohwâdâ bongon bong, helâ me athnyaba ame hok hwaban.

Jobu 7:1

HAWA, e ca hamen at he ka vat eang hmeledrany? Ke, ca ûcû anyin ta je bong me je bong bongon at ame hok hwaban?

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 15:5

Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

Isaia 16:13

Walang hofuc ho Iehova ehac ge Moaba.

Isaia 17:4

Ke haba hnyi bong eling me adre me ke ka ohalelöûâ hmanenangi Jekob, kʼ ame he ka delâ unyin ae pipikhenya.

Isaia 21:16

Anyin ame ha helâng könya Than, ka habe, Hnyi huna a khaca, hoton ta je hunainy at ame hok hwaban, me ame he ka ta but hia hmanenanginy Kedera:

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 25:11

Ke e ame he ka inâ li hnyamen hnyi wanben, helâ me at ame hai ame hinobeny: ke e ame he ka ohnyikânâ anyin bigan tha e me bibihwakeoin anyin li hnyamen.

Isaia 7:16

Anyin ae ka tiga ca khana e wanakat he ka höciâ hulo me ûca so, me adre me he ka hna degecâ hnyei iny li than u je hûkotiâ.

Jeremia 48:42

Ke adre me he ka kot Moaba me me ca he hmetu ka hnyei, anyin a e ame hia but bi gan kö Iehova.

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Deuteronomi 15:8

ke u me he ka lau hnyamâm kâu, me u me he ka me ham gânâ kâu ûnyi ae ûcû ka hnyi weny.