Isaia 16:12 - Iaai Bible 1901 (New Caledonia)

¹² Ke e ka manen Moaba, ke e ame kong hnyekunâ e hon dok ae gorany, kʼ ame dit ka hnyi anyin dok ae kap he ka hic, me e ame ca he bi ka ton.

Isaia 16:12 ပူးပေါင်းရင်းမြစ်များ

I. Je Than 11:7

Haba Solomona ame op dok ae görany hobi kö Kemosa ae ikiki anyi Moab, hnyi bucen ae cicö Jerusalema, me hobi kö Moleka at ae ikiki anyin je laku Amona.

I. Je Than 18:29

Ke ame haû but seûno ödrin e perofeta ke ne o but adre me hudo hut hnyi sahac; ke ba hwan, ke ba at hnân thu, ke ba at ame long.

II. Je Than 19:12

Hawa, a hia but je khongon je hnyei omeli ödrin, waleji a ohia ge lakamök, a Gozana, me Karan, me Rezef, me laku Edena hnyi Thelasa?

II. Je Than 3:27

Me e ame hom nokon a atö, at ame he ka than hwaban, me hudo e hnân hudiny leû hon hna up haginy. Ke e gan hmâ anyidrin hmonyin ka at Isaraela: me ödrin e hna e me he ka hnyi idrin hnyei.

Ta je Vejec 1:28

Me adre me he ka tenge könya, ke oge me ca he bi nya ka thu; Adre me he ka elölöm nya, kʼ adre me ca he ka o nya:

Isaia 15:2

Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

Isaia 16:13

Walang hofuc ho Iehova ehac ge Moaba.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Isaia 37:38

Ke e ame hic hnyi uma umo Niseroka a khongon, me ame kot e ge hele vat hnen li lakon jia Aderamelek me Sarezera: ke ödru me kec ka hnyi hnyei Ararata. Ke ame than biju Esar-adon a nokon hwaban.

Isaia 47:13

U at ae sēnyin ge ânyâm je ûhnenamö ae se hia: e so ame he tavat adre me khenâ drany, ke tavat adre tuö je okhû, ke tavat wâ tremângâ je tehi, he ka tot me omeli u ûnyi hnyi ta je ûnyi ame he ka o köu.

Jeremia 10:5

Ödra ûcû me pama adre kave, ke ca khana bi fuc: adre me labö vadren, anyin ae ca khana he. Ca he bi ka outʼ ödra; anyin ae ca khanʼ ödra he ka okongo, ke haba khaca, me ca khanʼ ödra bi he ka ânyâ so.

Jeremia 48:13

Ke ame he Moaba ka hmehma ge Kimosa, helâji me lap anyi Isaraela ame hmehma ge Beth-ela, waleji adre me labageju kâu.

Jeremia 48:35

Ke haingö Iehova, ka habe, Oge me he ka ohia hnyi Moaba at ame bi hut hnyi dok ae gorany, me at ame leû utö ae bo so ka je khongon.

Jeremia 48:46

Ekölö gam Moaba! e kong ut at Kemosa: anyin adre hom lakom je baga mʼ adre me bâ, me lakom je hlu he ka bâ.

Jeremia 48:7

Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

Numera 21:28

Anyin a he but meic ûheny Hesebona, A bâhlân meic ûnyi hnyi taun Sihona: Kʼ ame an Aro hnyi Moaba, Je thaniny je dok ae görany hnyi Arenona.

Numera 22:39

Ke Balaama ame tha he me Balaka, me o Kiriatha-uzoth.

Numera 22:41

Ke haba nyi Balaka ame hum Balaama, me hom e ka hnyi je dok ae gö-rany anyi Baala, ke e ame wâ ûheny e tavat ke ne o but obiny je bunyen.

Numera 23:14

Me e ame hom e ka hnyi utkânâ iny Zofim, hnyi ban Pisega, kʼ ame otilâ je taben hut a seven, me ame hudo hon je taben ûsa khaca bolok ke khaca mamoe baga.

Numera 23:28

Me Balaka ame hum Balaama ka hnyi hon Peora, wale cicö hnyebuba.

Numera 24:17

Oge me wâ e, ke ca walang ang: Oge me wâ e, ke ca hakekeny bi: Ame he ka o okhû ûheny unyi Jekob, Kʼ ame he ka kû haten musi ûheny unyi Isaraela, Kʼ ame he ka kot je ke keihen Moaba Me okongoâ je laku Setha.