Isaia 16:10 - Iaai Bible 1901 (New Caledonia)

¹⁰ Ke adre me hom degecâ senyin me hobâ ûnyi hnyi hnyei ame wa wan; ke ame ca he ka hu hmetu khumöng, me hongot senyin hnyi je hnyei vine: ame ca he at ka uto waina hnyi je taben, a at ame ututo; oge hia but bi obiny kuku senyin.

Isaia 16:10 ပူးပေါင်းရင်းမြစ်များ

Jobu 24:11

Ödrin e owö wakaco hnyi hnyeuleny tavat eling; Ödrin e hlec je wan vine, ke odrin e beic bi.

Isaia 24:11

Adre me tenge eû hnyi gethen can waina; e lit ut senyin hia, e hia but hobâ anyin tavat.

Isaia 32:10

Öbun e he ka öbubuny hnyi je bong ae se hia hon khaca huna, öbun je momo ae monu: anyin ame he ka ba wan vine, ame ca he ka o hna menu.

Jeremia 48:33

Ke adre hom degecâ senyin me hobâ ûnyi hnyi hnyei a wa so ke ûnyi hnyi hnyei Moaba, ke oge hia but öba waina hnyi hna hlec wan vine: e ba at ame he ka utö me hongot senyin; haba hongot senyin, me helâ me ba hongot senyin.

Ezekiela 7:7

At ame labâ hnyei lö, ame o but hna saû gam: ame o but ûen, ke hakekeny jut bong; a bonginy imonumonuny ke ca bong bi hnân hongot senyin hon je bucen.

Joela 1:12

E meleca thö vine, ke ba but meta; a mok dö rimona, me pama, me tapua, wale je ûöiny hia hnyei: anyin ame aû but senyin unyin tavat.

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Amosa 5:17

Ke adre me he ka tenge thungaû hnyi ta je hnyei vine hia: anyin oge me he ka ovhenu u, haingo Iehova.

Amosa 9:13

Ke haingo Iehova, ka habe, Wâ bi ame he ka o je bong, me ame he at ame trohnen ka khaû at ame subö hwit, ke ame he at ame utoto wan vine ka khaû at ame cekön; ke ame he je bucen ka khukhula ge waina ae hnebwia, kʼ ame he je hut hia ka lup.

Zefania 1:13

Ke ame be ka hnân söh bi je omjehedra, ke ame he ka ba wan umödra je uma: eke, adre me he ka op je uma ke adre me ca he bi ka labâ; adre me he ka belöki vine, ke adre me ca he bi ka ic wainainy.

Owisa 9:27

Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.