Isaia 15:4 - Iaai Bible 1901 (New Caledonia)

⁴ Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Isaia 15:4 ပူးပေါင်းရင်းမြစ်များ

Genese 27:46

Ke haingö Rebeka kö Isaaka, ka habe, E hmak ut hnyekuk can li momo Heth: a ne he Jekob ka hok âiân ûnyi hnyi je lakon Heth a je hlu, helâ mödru li momoiny hnyei, hnân eû hmetu möt könya?

I. Je Than 19:4

Ke e ame he ka hnyi hnyebuba, a khaca bongon ka he; ke e ame o but me laba ju hmelen ûö ratami: ke e ame sumâtâ me me he ka mokcu; haingen, ka habe, Soju; walang ang, Iehova lö, hom dö anyik möt; anyin a iny ca so hon lakamök.

Jeremia 20:18

Anyin a ieû oge me o but ûhek hnyi hnyok he ka wâ vec me hlöuhlöu, me me he ka um dö bonguk je bong hnyi hmehma?

Jeremia 48:21

Ke ame o but hna owisa ka hnyi hnyei ae tha hon; ka hnyi Holon, me Jahaza, me Mefath;

Jeremia 48:34

Hwân hnyi Hesebona ke ne o but hnyi Eleala, me Jahaza, adre hia but hongot goranyai, ke hwân hnyi Zoara ke ne o but Horonaim ke ne o but hnyi Egelath-selisia, anyin ame he ka hme je aniny Nimera minya.

Jeremia 8:3

Ke adre me he ka bemok hon bemöt hnen ta je kolon hia anyin lap ang ae kong, waleji adre me tiga laba bi ju hnyi ta je dok oge obʼ ödra ka hnyin, haingö Iehova tuhan sabaoth.

Jona 4:3

Anyin a wale, Iehova lö, ö u hom dö walang ang melik; anyin ae so oge me he ka mok, hon he ka mot.

Jona 4:8

Ke ame o thö seûno, me Khong ame penapena ang hwei ae kahwa; ke ame dei bö Jona me e ame momonu, ke e ame sumâtâ me me mokcu, haingen, ka habe, E so iny he ka mokcu, hon he ka möt.

Numera 11:15

Ke u je ne ânyâ helâe könya, me ö u hlingö nya but u je ne betenge gak; mʼ oge me ca he ka wâ anyik hlöuhlöu.

Numera 21:23

Ke haba Sihona ame ca hna at Isaraela ka he hnyi wanben iny hnyei: ke so bi Sihona ame ûkhacaköuâ lakeiny hia, kʼ ame he hnyebuba ai he ka tet metâ ka at Isaraela, kʼ ame o hnyi Jahaza, me ame vat me at Isaraela.

Numera 21:28

Anyin a he but meic ûheny Hesebona, A bâhlân meic ûnyi hnyi taun Sihona: Kʼ ame an Aro hnyi Moaba, Je thaniny je dok ae görany hnyi Arenona.

Deuteronomi 2:32

Ke ame o thö Sihona ûcûta, a tha e me lakeiny hia me vat e Jahaza.

Josua 13:18

me Jahaza, me Kademotha, me Mefat;

Hna Omanenâ 9:6

Ke ame he tavat ka elâm mok hnyi ta je bong eling, ke adre me ca he ka wâ; ke adre me he ka bemok, ke ame he mok ka kec gadra.

Owisa 11:20

Ke haba Sihona ame ca kap ho Isaraela he ka vheno hnyi iny hnyei: ke Sihona ame ûkhacaköuâ lakeiny hia, me hunuma hnyi Jahaza, me vat me Isaraela.