Isaia 15:1 - Iaai Bible 1901 (New Caledonia)

¹ HOK honen Moaba. Adre me söh Ara-moaba hnyi hnyinghet, kʼ adre me oûnyibaûâ e; adre me söh Kira-moaba hnyi hnyinghet, kʼ adre oûnyibaûâ e.

Isaia 15:1 ပူးပေါင်းရင်းမြစ်များ

II. Je Than 3:25

Ke ödrin e hagutâ hnyikânâi ta je taun; me ve khûö veto hon je utkânâ hia ae so, me ounöngötâ; ke ödrin e hlöng je hna pupuainy köiö hia, me sö degecâ je ûö hia ae so: kʼ adre hnen biju hnyi Kiraharaseth je vetoiny; kʼ ame he igigilo e tavat koloû, me kot e.

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 13:1

HOK honen Babulona, waleji a wâ Isaia nöku Amosa.

Isaia 14:28

Hnyi hunainy mok a Ahaza than ame o but hok eang.

Isaia 16:11

Anyin a wale ame fuc hnyekuk helâ me kitara can Moaba, kʼ ame fuc hnyekuk can Kira-heres.

Isaia 16:6

Ate hia but long hnyok bi gan anyi Moaba, a e bi gan hmonyin; wale anyin bi gan, me begörany, me wathethot; ke ûnyi baû bi anyin je bi gan.

Isaia 16:7

Anyin a wale, ame he Moaba ka tenge kuku ge Moaba, adre me he hia ka tenge: öbun e he ka mâng ge je taben Kira-haraseth, adre ti okongoâ.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 25:12

Ke e ame he ka öūo hnabâ ae gorany wale hnyi hagâm hak, me hagutâ me othahonâ me kânâ, wale ka hnyi sesâ.

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Numera 21:28

Anyin a he but meic ûheny Hesebona, A bâhlân meic ûnyi hnyi taun Sihona: Kʼ ame an Aro hnyi Moaba, Je thaniny je dok ae görany hnyi Arenona.

Deuteronomi 2:18

Haba hnyi bong ang u me he ka hanyâûâ Aro, a hnyigöulen Moaba:

Deuteronomi 2:19

ke u ka hakekenyâ laku Amona, ca he ka okongu ödra, ke ca ivinö mödra: anyin oge me ca he ka ham köu ûnyi hnyi hnyei iny laku Amona me me em: anyin oge hia but ham e me me iny laku Lota me me idra.

Deuteronomi 2:9

Ke haba Iehova ame ha könya, ka habe, Ca he ka okongoâ at Moaba, me vat mödra: anyin oge me ca he ka ham ûnyi hnyi idra hnyei me me em bi; anyin oge hia but ham Aro ka laku Lota me me idra.