Isaia 14:32 - Iaai Bible 1901 (New Caledonia)

³² Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 14:32 ပူးပေါင်းရင်းမြစ်များ

II. Samuela 8:10

me haba Toi ame kunö Jorama a nokon kö Davita than, he ka iouny mē, me ha hnahicâ e, anyin a e ame hia but vat me Hadadeza, me kot e: anyin a li iwahnaihmiony jia Toi me Hadadeza. Ke e hu eû hnyi hnyamen je kaia sileva, me je kaia gol, me je kaia bras:

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 102:28

Haba lakon lathnyabaem, me, adre me he ka laba hmâ, Kʼ adre me he ka otethmâ je mâtrânidra hnyi hnyimâkâm.

Salamo 48:4

Anyin a wâ bi, ame ûkhacaköu thö ta je than, Ke adre me tha vheno dok eling.

Salamo 87:1

ETHÖ hnyi je bucen ae kap taben.

Salamo 87:5

Eke, adre me he ka ha ga Ziona, ka habe, Adre me hnokoâ eling at ang ame ne at e; Ke ame he ka otethmâ e hnö Beönua.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 37:32

Anyin ame he ka he ûheny Jerusalema ta je kolon, kʼ ame he ka he ûnyi hnyi bucen Ziona tavat adre me he ka möt: ame he ka ânyâ e ge weny ae gan ga Iehova tuhan sabaoth.

Isaia 37:9

Ke e ame long bongu Tiraka than Aithiope, ka habe, E but ang ame he ka vat möu. Ke a long ut e, me e ame kunâ jo ûthumetu kö Hezekia he ka ha, ka habe,

Isaia 39:1

HNYI ûen eling haba Merodaka-baladana nöku Baladana, than Babulona ame kunâ je tusi me je bwihlany kö Hezekia; anyin ame long ut a ga ne mokcu ke a möt hmetu thö.

Isaia 4:6

Ke ame he ka hu ama menâ hnân hwaelu hnyi lany can kahwa, me hnân lubaduöng me nedrong ge weneû me we.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Isaia 54:11

At ae vec lö, a tûâ weneû, ke adre ca otubwelâ, wâ bi, oge me he ka ohmâ ânyâm je veto hnyi je ve makan, me bi tabâm ge je safairo.

Isaia 57:13

U ka tenge, me hamen je hnyat u je ûkhacaköuâ he ka omeli u; ke so bi, ame he ka tûʼ ödra hnen ang, ame he homenâ ka hom degeci ödra hia thithö: ke ame he bi ka hu hnyei hnen tavat adre me labageju könya, ke idra bi anyik bucen ae kap.

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Zakaria 11:11

Ke ame hmetru thö hnyi bong eling: ke e khana but hnahat mamoe ae vec ut, tavat adre me tevehlöng könya a wale hofuc ho Iehova.

Zakaria 11:7

Waleling me oge me han hnahat mamoe hnân hlingâ, a ta je mamoe ae ti kong hnyi hnahat. Ke oge me hom li uci; haba khaca oge me hwenyi ien, me Hmanenang, ke oge me hwenyi ien khaca, me Je wen; ke oge me han hnahat mamoe.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Heberu 11:10

anyin a e ame halubahingen taun ae hu taben, ke haba at a otilâ me huliwan, me, Khong.

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.