Isaia 14:3 - Iaai Bible 1901 (New Caledonia)

³ Ke haba hnyi bong ame he Iehova ka omeno u ûnyi hnyi ânyâm vec, me ânyâm ot, me huliwa ae hmak adre me kunö u ka hnyin,

Isaia 14:3 ပူးပေါင်းရင်းမြစ်များ

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 32:18

Ke ame he lakeik ka laba hnyi dok ae ûsoköu, me je uma adre me laba khötkic hnyin, me je hna menâ wale je dok adre me laba wia hnyin.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 30:8

Ke hnyi bong eling haingö Iehova tuhan sabaoth, oge me he ka thamuâ hna ûhûkâlàköuâ ûnyi hnyi hon nyem, me thu omomono je hna cö u; ke ame ca he hmetu ta je atkanyua ka thaluâ e:

Jeremia 50:34

E hwege at ame ûcû melidra; Iehova tuhan sabaoth ien: e ame he ka ti ivino hobi ködra, me me he ka omenâ hmeledrany, me oöbubunyâ tavat adre me laba hnyi Babulona.

Ezekiela 28:24

Ke ame ca he hmetu lap anyi Isaraela ka hu iwadekong ame dâ ke ûdö ae ocen ûnyi gadra igigili ödra, wale hnyat hûköti ödra; ke adre me he ka wâ a inya Than Iehova.

Zakaria 8:2

Walang hna ha hnö Iehova tuhan sabaoth, ka habe, Oge me ciâ Ziona, ke gan hmâ hna ciâ, ke oge me ciâ e hnyi hmonyin ae gan.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Deuteronomi 28:48

anyin a wale u me he ka bi i athnyabainy je iwahnaihmiony möu tavat ame he Iehova ka kunâ köu, kʼ u mekihnânem, me beic, me he thu, me weny ta je ûnyi hia: kʼ ame he ka ip ûnyi hnân ûhûkâlâköuâ a fao hon nyem, ke ne o but e ame ohiö u.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.