Isaia 14:29 - Iaai Bible 1901 (New Caledonia)

²⁹ Filisiti hia lö, ca senyin bi can adre thu uci waleji ame kuc u: anyin ame he ka o but vaipa ûnyi hnyi iwân anyin on, ke haba mâtrân e me on ame hiâ me gâ.

Isaia 14:29 ပူးပေါင်းရင်းမြစ်များ

II. Je Than 18:8

E ame kot at Filisiti ke ne o but hnyi Gaza, me hnyigöulen e, hwân hnyi tap anyin tavat hmâkâ, ke ne o but hnyi taun adre up haginy veto.

II. Man Ûlabainy Je Than. 26:6

Me e ame he but me vat me at Filisiti, me thö degecâ hna up haginy hnyi Gatha, me hna up haginy hnyi Jabene, me hna up haginy hnyi Asedoda; me e ame op je taun hnyi hnyei Asedoda, me Filisiti.

II. Man Ûlabainy Je Than. 28:18

Ke haba khaca a hia but utut at Filisiti ka hnyi je tauniny dok ae hnyikânâ, me ke keihen ka hnyi Whaiöiny Juda, me hûgûnâ Bethe-semes, me Aijalona, me Gederoth, me Soko me je tauniny, me Timena me je tauniny, me Gimezo me je tauniny: me ödrin bi, ödrin e ka labā.

Ta je Vejec 24:17

E ka ta iwahnaihmiony möu, ca he ka senyin, Ke adre ne hagutâ e, ca he ka hobâ hnyekom:

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 11:8

Ke ame he wanakat ame i ka walak hon hwanumen asip, kʼ ame he wanakat adre hnebaio ka ip hnyamen hon hâûen vaipa.

Isaia 14:31

Homagöule lö, kuku tenge thö; taun lö, tenge thö: Filisiti hia lö, u je aû hia but; anyin ame o hai ûnyi hnyi hwadro, ke ba at ame he ka tot baû e ka o thö bonginy bong adre thu.

Isaia 2:6

Anyin a u je degec lakem, a lap anyi Jekob, anyin a ödra unöngötö ge je hwakecin ûnyi jemeiö, ke ödra tavat bihihwakecin helâ me at Filisiti, kʼ adre me ûkhöû hnyam me lakon je atkanyua.

Isaia 30:6

Hok honen je meno hnyi Hwaiöu. Adre me he hnyi wanben hnyei ae vec me hlöuhlöu, wale ame o ûnyi hnyin liona momo me liona, vaipa me on ae hiâ ame gâ, adre me hom je omjehedra hnyi hon jon je asina, me tang omjehedra hon je jon ae khibi ge je kamela, ka tavat adre me ca he ka bi troban kodra.

Jeremia 47:1

WALANG hofuc ho Iehova ame o kö Jeremia perofeta ge at Filisiti, kʼ ame tiga ca kot Gaza ga Farao.

Je tenge anyi Jeremi 2:17

A hia but Iehova ânyâ waleji hnen hna ûnykûme; E ame hia but ohwâdâ hwan hofuc waleji e ame hûna hnyi ta je bong kâû adrem; E ame hia but kia, me ca betenge bi: Ke e ame osenyinâ iwahnaihmiony hom, Me ogöranyâ faoiny meno anyin je tavat adre me tot köu.

Ezekiela 25:15

Walang hna ha hnen Than Iehova, ka habe, Anyin a at Filisiti adre me bi hwaban, me bi hwaban hnen hnyok ae hmonyin he ka ohia e me bi iwahnaihmiony mē nyiele balua;

Ezekiela 26:2

Nokon at lö, anyin a Turo ame hia but ha ge Jerusalema, ka habe, Öhö, e hmetru but at eji a homagöuleny ta je hnyei; e ame hnyimakan dö könya: oge me he ka unöngöt, ke ba but wan gan:

Ezekiela 35:15

Helâji me hnâm hna senyin anyin ae ba wan lap anyi Isaraela, helâe oge me he ka ânyâ köu: bucen Seira lö, ke Edoma hia, u me he ka ba wan, wale hia thibut: mʼ adre me he ka wâ a inya Iehova.

Hosea 9:1

ISARAELA lö, ca senyin bi me hobâ helâ me je hnyei; anyin a u je hia but bi ûnyi monu me degec Khongom, u je hok at ge hwaban hnyi je hna huje hwit hia.

Joela 3:4

Eke, Turo me Sidona lö, me je ke keihen hia Filisiti, ieû gabun könya? hawa, Öbun e he ka ham könya hwaban? ke öbun e ne bi hwaban könya, me oge me he bi nya ka ie ohmeto hwaban eling ka hnyi hon je böbun.

Amosa 1:6

Walang hna ha hnö Iehova, ka habe, Can kun ta monuiny Gaza, eke, can vak, me oge me ca he ka ohavâ hwaban; anyin adre me hom bâ hnyei hia, mʼ adre me hnʼ ödra ka at Edoma:

Amosa 1:8

Ke oge me he ka subâ degecâ aten Asedoda, me at ame hok uciny musi hnyi Asekelona; ke oge me he ka wia hnyamok ûcon Ekerona, me ame he ka hia je kolon hnyi Filisiti, haingen Than Iehova.

Obadia 1:12

Ca he ju ka wâ hnyi bonginy kem, hnyi bonginy vec a e, ke ca hobâ lakon Juda hnyi bonginy bâ; ke ca fuc bi gan hnyi bonginy hloûhloû.

Mika 7:8

Iwahnaihmiony mönya lö, ca he ka senyin huk: iny ka he ka ta, oge me he ka tot hmetu; iny ka laba hnyi menekholom ame he Iehova ka omelami nya.

Zefania 2:4

Anyin adre me he be ka hota degecâ Gaza, ke ame he ka ba wan Asekelona: adre me he ka obâ Asedoda hnyi jebigo, kʼ adre me he ka oc Ekerona me iwân.

Zefania 2:5

Ekölö ge tavat adre me labâ hobat köiö, wale hneyi iny at Kerethi! e ve e möbun hofuc ho Iehova, Kanana, hnyei iny at Filisiti; oge me he ka ohiö u me me ba at ame he ka labâ.

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Zakaria 9:5

Ame he Asekelona ka wâ e, me ot; ke Gaza, me ame he ka vec gan hmâ; ke Ekerona; anyin a e ame he ka hmehma ge hnen hna gejon: ke ame he ka hia than hnyi Gaza, ke adre me ca he bi ka labâ Asekelona.

Numera 21:8

Ke Iehova ame ha kö Mose, ka habe, U me he ka op ke on meic, me ip hon ke uci; ke e ka wâ e hnen tavat adre oloû, me ödrin e he ka möt.

Josua 13:3

hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona,