Isaia 14:27 - Iaai Bible 1901 (New Caledonia)

²⁷ Anyin a hia but ûnykûme hnö Iehova tuhan sabaoth, ke ie at bi ame he ka thawâ e? ke ame hai hnyamen, ke ie at ame he ka ohmetu e?

Isaia 14:27 ပူးပေါင်းရင်းမြစ်များ

II. Man Ûlabainy Je Than. 20:6

me e ame ha, ka habe, Iehova lo, Khongon lakamöhmun, hawa, ia u Khongon drany, me at ame muso ta je dökhuiny hia je hnyei? hawa, e ca hwege me man hnyamâm, me me ca khana ke at he ka hwege hom?

Jobu 11:10

Ame ne he ka dit, me hlöng, Me hawâ tavat ka hnyi hna owisa, ie at ame he ka thawâ?

Jobu 23:13

Ke khaca thibi ûnykûmânen, ke ewa at ame he bi ka wia e? Ke e ame ânyâ ûnyi e ame hnyok kâu.

Jobu 40:8

Hawa, u me he ka oûnyibaûâ hnok hna owisa? U me he ka haikongu nya, mʼ u me wisa bi?

Jobu 42:2

E khanö nya but ae khanö u he ka ânyâ ta je ûnyi hia. Ke haba hnâm hna ûnykûme me pason he ka thawâ.

Jobu 9:12

Wâ bi, e ame hûgûnâ, ke hamö ia he ka thawâ? Ia ame he ka ha kâu, ka habe, Ieû e u me ânyâ?

Salamo 33:11

Ame he ka tethmâ nyiele balua we Iehova, Ke je ûnykûmenen hnyekon ka ta je dö hia.

Ta je Vejec 19:21

E se hia ûnykûme eû hnyi hnyekon at; Ke ame he ka tethmâ musi anyi Iehova,

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 43:13

Eke, inya but ling ke tiga ba bong; ke ba at ae khana he ka hûgûnâ ûnyi hnyi hnyamok: inya oge me he ka huliwa, ke ie at ame he ka bi ovheliny.

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 8:10

Tha ûhnenamö thö, ke ame he bi ka ûnyi baû; ha thö hofuc, ke ame ca he bi ka hwâdâ: anyin ae unyita Khong.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Jeremia 44:28

Ke haba tavat adre me kec mot ge hele vat, me adre me he ka hmetu ûnyi hnyi hnyei Aigupito ka hnyi hnyei Juda, a ödra wakhalet thiju; ke ame he ka khana je köluiny at Juda hia tavat adre me be ka hnyi hnyei Aigupito he ka më labā, a ho ia hofuc ame he ka ton, ame ne hok, ame ne hodra.

Jeremia 49:20

Anyin a wale löng ju öbun hna ûnykûme hnö Iehova, waleji e ame ûnykûme ge Edoma; me je ûnykûmenen waleji e ame ûnykûme ka tavat adre me laba hnyi Temana: E hnathu adre me he ka lili ödra, wale tavat ae ûhnyûkong hnyi hna hat meno; e hnathu e ame he ka öba wan je hnyabadra.

Jeremia 51:59

Walang hofuc ame hûna Jeremia perofeta kö Seraia, nöku Neria, nöku Maseia, waleji hnyi hnen hna tha he me Zedekia than Juda Babulona ai hnyi huna a vakiny anyin musi. Haba Seraia, me wale at muso hnyaban than.

Ezekiela 26:14

Ke oge me he bi nya ka wiö u hnân kic ae ba leûnen: ke u me he ka dok hnân döi ert; kʼ adre me ca he hmetu ka up u: anyin a inya Iehova at ame ha, haingen Than Iehova.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?