Isaia 14:23 - Iaai Bible 1901 (New Caledonia)

²³ Ke oge me he ka wia e hnân iny kifoda, me hnân je wadutö; ke oge me he ka aba e ge brum hnân mekiny, haingö Iehova tuhan sabaoth.

Isaia 14:23 ပူးပေါင်းရင်းမြစ်များ

I. Je Than 14:10

anyin a wale, wâ bi, oge me he ka okûâ ûnyi ae kong ka lap anyi Jeroboama, ke oge me he ka subâ degecâ ga Jeroboama obaga hia, a hnyat adre ca, me hnyat adre hna hnyi Isaraela, ke oge me he ka aba degecâ lap anyi Jeroboama, helâ me man at ame aba degecâ tet, ke ne o but ame ba but.

II. Je Than 21:13

Ke oge me he ka lelö hon Jerusalema tulutiny Samaria, me tulut adre otilâ anyin lap anyi Ahaba: ke oge me he ka kot Jerusalema helâ me at ame khut kaia, ame kot e me wia hnyimen hnyikânâi.

Isaia 13:20

Adre me ca be bala ka laba hnyin, kʼ adre me ca he ka labā e hnyi ke dö me ke dö nyiele balua: kʼ ame ca he at Arabia ka otilâ umen uma mano eling; kʼ ame ca he tavat tuö mamoe ka omokulec e je hnahat mamoe.

Isaia 13:6

Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Jeremia 50:26

Ai öbun kâu ûhebun hnyi je dok ae sâkâû, khong ut je omjehen; jien dö e goranyai helâ me hna digic thatûnyi, ke ti ohiâ e; me me ba but kolon.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 51:62

me ha, ka habe, Iehova lö, u je ha ge dok ang he ka ohia, me me ca he ke at ka labā, ame ne at, ame ne meno, ke ame he ka hnyot nyiele balua.

Zefania 2:14

Ke ame he je hnahat meno ka mokut hnyi wanben e, a omenoiny ta je hnyei hia: ame he kati me kifoda ka mokut hnyi ban je hmolominy: kʼ adre me he ka cûk hnyi je mamalama; ke ba at hnyi je hwanuma: anyin a e ame he ka hom singiny ûnyi hnyi hon hna huliwan arasi.

Hna Omanenâ 14:8

Ke ame he hoton e ke angela, at a loiny, kʼ ame ha, ka habe, A ū but, A ū but Babulona ae gan, waleji at ame kunâ ta je hnyei hia he ka ijem wainainy tang hmonyin hnyi bi ûnyi monu a e.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.