20 U me ca he, ka ûkhacaköu mödra hnyi erkemok, anyin a u je okongoâ em hnyei, me hlingâ lakem; adre me ca he bi ka ha nyiele balua mâtrâniny tavat ae kong.
Anyin a Iehova ame weny hna owisa, Ke e ame ca degec bi anyin wakap. Kʼ adre me tuʼ ödra balua bi: Ke adre me he ka subâ degecâ je mâtrân tavat ae kong.
A ne khaca haded je lakon ke at, ke se hia hunainy anyin möt, me me ti se hia je bonginy ta je hunainy, ke ame ca sekon bi ge so, ke adre ca konâm bi; inya oge me ha, me so köluhabû hon e;
Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.
Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.
Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.