Isaia 14:2 - Iaai Bible 1901 (New Caledonia)

² Ke ame he je hnyei ka hum ödra, me ip ödra hnyi hnödra: ke ame he lap anyi Isaraela ka hum ödra ka hnyi hnyei i Iehova hnân je athnyaba obaga me omomo: ke adre me he ka hwenbödra bi, waleji tavat adre me bâ gadra; kʼ adre me he bi ka musi ka tavat adre me sedʼ ödra.

Isaia 14:2 ပူးပေါင်းရင်းမြစ်များ

Ezera 2:65

me lathnyabaidrin minya obaga me omomo; ödrin seven thauzan ke theri haded ke thote seven: ke e hu gadrin tavat khumöng obaga me omomo a ödrin tu haded.

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Isaia 18:7

Hnyi ûen eling adre me he ka ham bwihlany kö Iehova tuhan sabaoth ûnyi hnyi hnyei ae hwege me hnyok baga, wale hnyei adre me outen hwân ehac ke ne o but nyiele; a hnyei ame tuluto, kʼ ame ututo, a hnyei ame susubâ ge ta je wagewe, ka hnyi hnen iö Iehova tuhan sabaoth, wale bucen Ziona.

Isaia 31:8

Me ame he at Asuria ka ta ge hele vat, ca hele vat bi anyin at; ke ame he ka an e ge hele vat, a ca hele vat anyin at: ke e ame he ka kec ge hele vat, kʼ ame he wahidröu unyin ka bi fat.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 49:22

Walang hna ha hnö Iehova, ka habe, Oge me he ka hai hnyamok ka ta je hnyei, ke oge me he ka otilâ anyik boudila ka tavat: ke adre me he ka hom jem lakom obaga hnyi je ûlaidra, ke vadren lakom wahlu.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 61:5

Ke ame he ka tot ta je atkanyua me han halebun je hnahat mamoe, ke ame he tavat aten ke je hnyei ka seû tilâ kânâ hobi köbun, me tuö ibun je hnyei vine.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Jeremia 30:16

Anyin a wale, adre me he ka ohiʼ ödra tavat adre me ohiö u; ke adre me he ka hwenbâ ta je iwahnaihmiony mou; ke adre me he ka söh tavat adre me sei u, ke oge me he ka hna he ka hûgûnâ hia ta je ûnyi anyin tavat adre me hûgûnâ ânyâm ta je ûnyi.

Jeremia 49:2

Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Ezekiela 39:10

mʼ adre me ca he ka thigö hnyi hnyei, me si utö hnyi hnyot; anyin adre me he ka bi meic ge ta je ûnyi hnân vat: ke adre me he ka söh tavat waleji adre me sei ödra, me hûgûnâ ûnyi ge tavat adre me hûgûnâ gadra, haingen Than Iohova.

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Joela 3:8

ke oge me he ka ûco lakubun obaga me wahlu ka je lakon Juda, kʼ adre me he bi ödra ka ûcû ödra ka at Sheba, hnyei ae sâkâû: anyin a hia but ha Iehova.

Levitiko 25:44

U ma he ka hom lathnyabaem obaga me omomo ûnyi ge aten ke je hnyei igigili öbun, öbun e he ka ûcû odrin me me lathnyaba obaga me omomo.

Obadia 1:17

Kʼ ame he ka ku hon bucen Ziona tavat adre me kec mot, kʼ adre me he ka okabâ, kʼ ame he lap anyi Jekob ka hu je idra.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Zakaria 2:9

Ke wâ bi oge me he ka nyinyikâ hnyamok hudra, me ame he ka sei ödra hnen tavat waleji adre me bi lathnyaba kodra; mʼ öbun e he ka wâ a ga, kunö nya Iehova tuhan sabaoth.

Luka 12:45

Ke a ne ha athnyaba eling eû hnyi hnyekon, ka habe, E tiga bec tuhok; kʼ ame ne hwân he ka kot je athnyaba obaga me omomo, me he ka han me ic, me ic monu;

Roma 15:27

Eke, wale wedra ae so; ka e unyidra anyidra ta je ûnyi. Anyin a ne kap hnen Aten ta je hnyei ta je ûnyi anyin hanu ûnyi gadra, me e ûcû minya kodra he ka kap bi ta je ûnyi anyin unyin.

II. Korinito 10:5

ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

Efeso 4:8

Anyin a wale, e ame ha, ka habe, Hnyi ûen e ame ölö thö goranyai, me e ame lelo aten hwenbâ ka hnyi bâ, Kʼ ame ham ta je bwihlany ka tavat.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.