Isaia 14:19 - Iaai Bible 1901 (New Caledonia)

¹⁹ Ke haba u, me adre digic u helâ me anginy ae ikiki ke ba erkemok gam, ke helâ ûkhaûen komok, adre dâ ge hele vat, adre me utut ka hnyi ta je veten thop; ke helâ me komok adre; me uto hmelen je cadrin.

Isaia 14:19 ပူးပေါင်းရင်းမြစ်များ

I. Je Than 21:19

Ke u me he ka ha kâu, ka habe, Walang hna ba hnö Iehova, ka habe, Hawa, u je hia but ûhlingö me hûgûnâ minya? ke u me he ka ha kâu, ka; habe, Walang hna ha ga Iehova, ka habe. Haba hnyi dok ame drem je kuli drö Nabotha me ame he je kuli ka drem minya drâm, wale drâm bi.

I. Je Than 21:24

Haba hanö Ahaba ame he ka mok hnyi taun, me ame he je kuli ka an, ke haba at ame he ka mok hnyi ta hnyei, me ame he je meno ame gâ ethö ka an.

II. Je Than 9:25

Haba Jehu ame ha kö Bidekara a taben unyin, ka habe, Hom dö, me khûâ but e hnyi hnyei i Nabotha at Jezerela, anyin u me ûnykûme ûen waleji otu me tha tabô kariota hotu Ahaba a kamen, me Iehova ame ip hon hok eling ae hmak;

Isaia 13:15

Adre me he ka dʼ ödra hia tavat adre me wâ; ke ame he ka ta ge hele vat tavat hia adre me hom.

Isaia 14:18

Haba je thaniny hia ta je hnyei, ödra hia thithö adre me ve mokut hnyi hmanenang hnyi umödra bi je uma.

Isaia 34:3

Ke adre me he ka degec ta je hna hlingâ unyidra, kʼ ame he ka hu bokonginy je unyidra ae mok, kʼ ame he ka köiö but je bucen ge drödra.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 22:19

Adre me he ka konâm e helâ me hna konâm asina, adre me he ka lelö e me khûâ hnyi hoton je homagouleny Jerusalema.

Jeremia 41:7

Ke ödrin e o but hnyi wanben taun, me haba Isamaela nöku Nethania ame hlingʼ ödrin me khûʼ ödrin ka hnyi hmonop, e, me tavat a tha e më.

Jeremia 41:9

Ke haba hmonop waleji hnö Isamaela hna khûâ je komok hia, e ame tha hlingʼ ödra me Gedalia ka hnyin, (wale hnö Asa than hna ânyâ can e ame ot ga Baasa ʼthan Isaraela,) haba Isamaela nöku Nethania ame öunö-ngötâ e ge je komok.

Jeremia 51:4

Ke adre me he ka ta a ta je hna kot hnyi hnyei Kaledaia, me je hna dâoâ hnyi je getheniny.

Ezekiela 32:23

kʼ adre me ip anyidra je erkemok hnyi je ke keihen thop ae sâkâû, kʼ ame mokut anyin ûkhacaköu hnyi baten anyin erkemok: ödra hia tavat adre hlingʼ ödra, kʼ adre me ta ge hele vat, tavat adre me ot gudra waleji hnyi ûen adre me möt.

Ezekiela 32:27

Kʼ adre me ca he ka tha mokut me tavat ae hwege adre me ta, kʼ adre ca peritomon, a tavat adre me utut ka hnyi hedis tha ödra me anyidra ta je omjehen vat, kʼ adre me hûnâ anyidra je hele vat, ke wale hwakecidra ae kong hnyi hon je jei ödra; anyin a gʼ adre ot gadra hnen tavat hwege hnyi ûen adre me tiga möt.