Isaia 14:17 - Iaai Bible 1901 (New Caledonia)

¹⁷ at ame wia hmeledrany me me helâ me hnyebuba, me hagutâ hnyikânâi je tauniny; at ame ca hna tavat hwenbâ ka hnyi ta je idra?

Isaia 14:17 ပူးပေါင်းရင်းမြစ်များ

Isaia 14:16

Haba tavat adre me ō u adre me he ka wâ wia, me wâ ûnykûme me ha, ka habe, Hawa, wale at ame jijingâ hmeledrany, at ame bwebwelâ je dokhu:

Isaia 14:18

Haba je thaniny hia ta je hnyei, ödra hia thithö adre me ve mokut hnyi hmanenang hnyi umödra bi je uma.

Isaia 45:13

Oge hia but oâ at e hnyi wisa, ke oge me he ka owisa deny je gethen hia, e ame he ka op anyik taun, me hna ta je atök a je hwenbâ, ke ca ge hwaban ke ca ge bwihlany, ame ha Iehova tuhan sabaoth.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Isaia 64:10

A hnyot ut ânyâm je taun ae kap, a hnyot ut Ziona, e ba but wan hnyi Jerusalema.

Jeremia 50:33

Walang hna ha hnö Iehova tuhan sabaoth, ka habe, Adre me tha ovecâ lakon Isaraela, me lakon Juda: ke adre me köt ödra hnen tavat adre hwenbʼ ödra; adre me höcö ke ka hnʼ ödra.

Ezekiela 32:23

kʼ adre me ip anyidra je erkemok hnyi je ke keihen thop ae sâkâû, kʼ ame mokut anyin ûkhacaköu hnyi baten anyin erkemok: ödra hia tavat adre hlingʼ ödra, kʼ adre me ta ge hele vat, tavat adre me ot gudra waleji hnyi ûen adre me möt.

Ezekiela 6:14

Ke oge me he ka hai hnyamok hudra me oba wan hnyei me wia ka hnyot, hwân hnyi hnyebuba hnyi Dibela, hnyi je hnyabadra hia: ke ame he ka khanʼ ödra a inya Iehova.

Joela 2:3

Ame han meic hnyi hnyimakodra, ke haba bâhlân ame hlâ hwabödra: haba hnyei hnyi hnyimakodra, me helâ me hnyei Edena, ke hnyebuba ae ba wan hnyi hwabödra; eke, ke ba at ame kec mot ge ioidra.

Habakuka 1:7

Ödra tavat hnân outen me öbubuny gadra: ame ka o bi gadra hna owisa me hmanenangidra.