Isaia 14:12 - Iaai Bible 1901 (New Caledonia)

¹² Okhû lan lö, nokon hnyomakatu, ekölö ge hnâm hna ta ûnyi ethö hnyi drany! at ame ohnyikânâ ta je hnyei lö, ekölö ge hnödra hna si u hagutö u hnyikânâi.

Isaia 14:12 ပူးပေါင်းရင်းမြစ်များ

Isaia 13:10

Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Isaia 34:4

Ke ame he ka aû but ta je döiny drany hia, ke adre me he ka vhec drany helâ me tusi: ke ame he je dö hnyin e ka kolu helâ me lan vine ame kolu, ke helâ me lan ae meleca ûnyi huyi imeta.

Jeremia 50:23

Nakainy, hna thu hmetro hamainy hmeledrany hia! Nakainy Babulona a ba wan unyin je hnyei!

Jeremia 51:53

Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Je tenge anyi Jeremi 2:1

NAKAINY hna okhömetâ hluiny Ziona hnen Than hnyi anyin hmonyin! E ame hia but khûâ ûnyi hnyi drany hmanenanginy Isaraela ka hnyi hmeledrany, Ke ame ca hia but ûnykûme taben hnyeûcan hnyi bonginy anyin hmonyin.

Ezekiela 26:17

Ke adre me he ka tenge thungaû gam, me ha köu, ka habe, Ekölö ge hna ohiö u waleji a labâ hnen aten köiö, taun ae lung, me hwege hnyi köiö, e me tavat adre me labâ, tavat adre me ooti ödra hia tavat adre me he hnyin!

Obadia 1:4

Eja ke ne u je ne ölö bi goranyai helâ me aeto, ke eja ke ne u je ne ip hâûâm unyin je okhû, oge me he bi nya ka ohnyikânâi u ûheny e, haingo Iehova.

Luka 10:18

E ame ha ködrin, ka habe, Oge me ö Satana ame utut ûheny hnyi drany helâ me hucuce.

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

II. Peteru 2:4

Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;

Hna Omanenâ 2:28

ke oge me he ka ham kâu okhû lany.

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.

Hna Omanenâ 8:10

Ke ame tûâ thö trutru hnen angela a kuniny, me ame kolu but ke okhû ae gan hmâ ûnyi hnyi drany, ame hiâ helâ me okûnû, ke ame kolu but ka hnyi ke keihen a kuniny ta je wagewe, me je an ame pupua;

Hna Omanenâ 9:1

KE ame tûâ thö trutru hnen angela a thabûnginy, me oge me wâ ke okhû ame kolu ûnyi hnyi drany ka hnyi hmeledrany: ke adre me ham kâu kiiny hmonop ae dit hmonyin;