Isaia 14:1 - Iaai Bible 1901 (New Caledonia)

¹ A NYIN ame he Iehova ka betenge ga Jekob, ke e ame he hmetu ka ûco Isaraela, me ip ödra hnyi idra: kʼ ame he je atkanyua ka tha e mödra, kʼ adre me he ka kece ka lap anyi Jekob.

Isaia 14:1 ပူးပေါင်းရင်းမြစ်များ

Esetera 8:17

Ke haba hnyi je ke keihen hnyei hia, me je taun hia a o ka hnyin hnanyibu me hofuc hwan than, me ame senyin me hobâ at Juda, ke e hu bijeû me bong ae so. Ke se hia tavat aten hnyei adre me hnyi hanen hmi Juda; kʼ adre me outen at Juda.

Salamo 102:13

U me he ka tot me betenge ge Ziona: Anyin a ûen dut he ka betenge gan, eke, a o but ûen adre thu.

Salamo 102:14

Anyin a lathnyabaem adre hnyok ka ta je vetoiny, Me betenge ge sesâiny.

Salamo 143:12

Ke hnyi ânyâm ibetengiö subâ degecâ but ta je iwahnaihmiony mönya, Me ohia tavat hia adre me ovecâ hanuk; Anyin a inya athnyabaem.

Salamo 98:3

E ame hia but ûnykûme anyin ibetengiö me anyin hnathu ka lap anyi Isaraela: A hia but wâ hnen je can hmeledrany hia ûhomeli anyin Khonguta.

Isaia 19:18

Hnyi bong eling adre me he ka ha hwen Kanana hnyi je tauniny Aigupito a thabûng, me khemanyin kö Iehova tuhan sabaoth; adre me he ka hwenyi ien khaca me taun ae hnaûhango.

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 41:9

a u at oge me kât ûnyi hnyi je can hmeledrany, ke hawâ ûnyi hnyi je ke keihen e, ke ha köu, ka habe, U thibi, athnyabaik oge ûco u ke ca hna degeci u;

Isaia 44:1

KE walang ang long ju, Jekob athnyabaik; ke Isaraela waleji oge ûca:

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 47:1

UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 49:15

Hawa, ame he mono ka hnying nokon ame asen, me me ca he ka betenge ge onyen hnyekon? eke, e khanʼ ödra he ka hnying, ke so bi oge me ca he ka hnying u.

Isaia 49:25

Ke so bi, walang hna ha hnö Iehova, ka habe, Adre me he ka hûgûnâ je bâ unyin tavat ae hwege, ke adre me he ka hna but hna söh hnen tavat ae hwege hnyimen: anyin a oge me he ka ivino me at ame ivino möu, ke oge me he ka omelo ta je lakom.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 56:3

Ke haba khaca, e so ame ca he atkanyua, at ame hia but ûkhacaköu kö Iehova ka ha, ka habe, E hnathu ame he Iehova ka obö nya ûnyi hnyi iny hnyei: ke haba khaca, e so ame ca he eunuka ka ha, ka habe, Wâ bi, inya ang ûö ae mada.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Jeremia 16:15

ke so bi, Kia inya Iehova at ame hom lakon Isaraela ûnyi hnyi hnyei hnyi hwadro, me ûnyi hnyi je hnyei hia waleji e ame obʼ ödra ka hnyin: ke oge me he ka ohmetu ödra ka hnyi idra hnyei, waleji oge ham ka lakamödra.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 30:8

Ke hnyi bong eling haingö Iehova tuhan sabaoth, oge me he ka thamuâ hna ûhûkâlàköuâ ûnyi hnyi hon nyem, me thu omomono je hna cö u; ke ame ca he hmetu ta je atkanyua ka thaluâ e:

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 50:33

Walang hna ha hnö Iehova tuhan sabaoth, ka habe, Adre me tha ovecâ lakon Isaraela, me lakon Juda: ke adre me köt ödra hnen tavat adre hwenbʼ ödra; adre me höcö ke ka hnʼ ödra.

Jeremia 51:51

Ohmun e hmehma but anyin a ohmun e löng hna ûhaikonguny; ame tube je hnyimaköhmun hmehma: anyin a haba je atkanyua adre me o but ka hnyi je dok a kabiny uma umö Iehova.

Ezekiela 16:60

Ke so bi oge me he ka ûnykûme waleji ge hnok hna ûhihinyköu möu hnyi ûen a u hlu, ke oge me he ka ohmâ hobi köu ûhihinyköu a nyiele balua.

Ezekiela 47:22

Ke öbun e he ka khenâ e hnân ibun me je atkanyua tavat adre me tha laba möbun, tavat adre me hnokoâ unyibun; ke adre me he ka helâ me tavat unyin lakon Isaraela wale adre hnokoâ hnyi hnyei; me adre me he ka hu idra möbun unyin je tribu Isaraela.

Zakaria 1:17

Hongot hmetu thö, me ha, ka habe, Walang hna ha hnö Iehova tuhan sabaoth, ka habe, Ame he ka se hia hmetu anyik je taun ûnyi ge hnahic; ke ame he hmetu Iehova ka otubwelâ Ziona, me senyin ka Jerusalema.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Luka 1:54

E ame hom hadruâ athnyabainy a Isaraela, Kʼ ame ûnykûme ibetengiö,

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.