Isaia 13:6 - Iaai Bible 1901 (New Caledonia)

⁶ Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 13:6 ပူးပေါင်းရင်းမြစ်များ

Jobu 31:23

Haba hlöûhiöû ûnyi ge Khong waleji hnân öbubuny könya, Ke ca khanö nya he ka ânyâ ke ûnyi ge ibeönuainy.

Isaia 10:25

Anyin a mē okhaca, me ame he ka hwâdâ wathethot, me anyik hmonyin hnyi ûohiʼ ödra bi.

Isaia 10:3

Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 13:9

Wâ bi, e but ang bong bongu Iehova, a hlâ thö ge wathethot me hmonyin ae kahwa; he ka oba aten hnyei, me ohia tavat ae kong hnyin e.

Isaia 14:23

Ke oge me he ka wia e hnân iny kifoda, me hnân je wadutö; ke oge me he ka aba e ge brum hnân mekiny, haingö Iehova tuhan sabaoth.

Isaia 14:31

Homagöule lö, kuku tenge thö; taun lö, tenge thö: Filisiti hia lö, u je aû hia but; anyin ame o hai ûnyi hnyi hwadro, ke ba at ame he ka tot baû e ka o thö bonginy bong adre thu.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 23:1

HOK honen Turo. Je huiny Tasesa lö, kuku tenge thö; anyin ae ba wan e, ke ba uma, ke ba hna dit: adre me omanenâ e kodra ûnyi hnyi Kitim.

Isaia 34:2

Anyin a e but hmonyin anyi Iehova hon ta je hnyei hia, me anyin wathethot hon anyidra ta je utbavat hia: e a hia but ohiʼ ödra, e a hia but hnʼ ödra, inʼ adre me he ka hlingʼ ödra.

Isaia 34:8

Anyin a wale bong bi hwaban ga Iehova, hunainy bi hwaban hulo hnyi hna ivino ge Ziona.

Isaia 47:11

Anyin a wale ame he ka o köu ûnyi ae kong, ke u me ca he ka wâ deny ame he ka o hnyin: ke ame he ka o köu ûokonguny ke ca khanö u he ka onua: ke ame he ka ie o köu hnaûhango ke ca khanö u bi.

Isaia 52:5

Ke walang ang, haingö Iehova, oge ma ânyâ ieû eang, anyin adre hom bâûâ lakeik? ame kuku tavat adre me musi ödra, haingö Iehova, ke adre me haikongoâ iök hnyi je bong hia thibut.

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Isaia 63:4

Anyin a e bi eû hnyi hnyekuk bonginy hmonyin, kʼ ame o but hunainy hnok hna ûco.

Isaia 65:14

wâ bi, ame he je athnyabaik ka khumöng ge senyin hnyok, ke öbun e he bi öbun ka tenge ge hnyok ae hlöuhlöu, me kuku tenge ge vecin hanu.

Jeremia 25:34

Kuku tenge thö, öbun tavat tuö mamoe; ke tenge thö me seset hnyi kânâ öbun je homakan hnahat mamoe, anyin a hwâdâ thö je bong hnân he ka hlingʼ öbun, ke oge me he ka tha oamemʼ öbun, ke öbun e he ka kolu helâ me kaia ae so.

Jeremia 49:3

Kuku tenge thö, Hesebona, anyin ae kong ut Ai; hongot dö goranyai wahlu laku Raba, oweikʼ öbun ju ge ec mano ae gan nân: tenge thungaû thö, me he monu hnyi je hak; anyin ame he ka bâ Malekama, tha e me anyin tavat bihut, me anyin ta je taben.

Jeremia 51:8

Ame ie ta but Babulona me aû but: kuku tenge thö gan; hok basama thö hnân eny anyin vec, kʼ ame ne he la ka mot.

Ezekiela 13:5

Öbun e ca hia but ölö ka hnyi je dok ae khekhe, ke öbun e ca okhötâ hna up haginy lap anyi Isaraela, me me tot hnyi vat hnyi bong bongu Iehova.

Ezekiela 21:12

Nokon at lö, kuku thö, ke kuku tenge thö: anyin a e bi hon lakeik, e bi hon je taben Isaraela: adre hnʼ ödra ka hnyi hele vat tha ödra me lakeik: anyin a wale khaû thö jevam.

Daniela 5:26

Ke walang bongon ûnyi e, ka habe, MENE; a hia but Khong aû dokhom dokhu me bi obiny.

Daniela 5:9

Me ame hmak gan hmâ Belesaza than, me ame ke bongon bi hnyimakan, me ame hlohlo anyin je taben.

Joela 1:11

Hmehma ju öbun tavat belök, tenge thʼ öbun tavat huliwan vine, can hwit me bali; anyin ae kong ut hwit hnyi ta hnyei.

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Joela 1:5

Hmak dʼ öbun tavat öbun e ic monu, ke tenge; ke haba öbun tavat hia öbun e ic waina, kuku tenge thö, ge waina ae hnebwia; anyin adre me subâ degecâ e ûnyi hnyi je hnyimöbun.

Joela 2:1

TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Amosa 5:18

Ekölö gabun tavat öbun e weny bong bongu Iehova! hnân eû bong bongu Iehova köbun? e menekholom bi, ke ca melam bi.

Zefania 1:14

E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

Zefania 1:7

Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.

Zakaria 14:1

WA bi, ame he ka o bong bongu Iehova, ke adre me he ka khenâ hnyi wanbâm hna söh.

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Iakobo 5:1

E ÖBUN watren omjeû, tenge thö me kuku can ta je vec ame he ka o köbun.

Hna Omanenâ 18:10

ke ödrin e tot sâkâû anyin a ödrin e outen anyin vec, me ha, ka habe, Ekölö, ekölö ge taun ae gan a Babulona, taun ae hwege! anyin ame o but hwaban köu hnyi awa a khaca.